അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ചുരുക്കം ചില കഥാപാത്രങ്ങൾ കൊണ്ട് പ്രേക്ഷകരുടെ മനസ്സിൽ ഇടം നേടിയ നടിയാണ് സാനിയ ഇയ്യപ്പൻ. നൃത്ത,റിയാലിറ്റി ഷോകളിലൂടെ ശ്രദ്ധേയായ സാനിയ ബാല്യകാലസഖി എന്ന ചിത്രത്തിലൂടെ ബാലതാരമായിട്ടാണ് മലയാള സിനിമയിലേയ്ക്ക് കടന്നു വരുന്നത്.
ക്വീൻ എന്ന ചിത്രത്തിലൂടെ നായികയായി അരങ്ങേറ്റം കുറിച്ച താരം പ്രേതം 2, ലൂസിഫർ തുടങ്ങിയ ചിത്രങ്ങളിൽ ശ്രദ്ധേയമായ വേഷങ്ങൾ ചെയ്തു.
ഇപ്പോഴിതാ ആനക്കൊട്ടിലില്‍ ആനകളെ തേച്ചുകുളിപ്പിക്കുന്ന നടി സാനിയ ഇയ്യപ്പന്റെ ചിത്രങ്ങളും വിഡിയോയുമാണ് സമൂഹ മാധ്യമങ്ങളിൽ വൈറലാകുന്നത്. ഗജവീരന്മാരുടെ അരികിൽ യാതാരു ഭയവുമില്ലാതെ കളിച്ചുരസിക്കുകയാണ് യുവതാരം.
ആനക്കുട്ടിയെ കെട്ടിപ്പിടിച്ചുും തീറ്റ കൊടുത്തുമൊക്കെ അവയെ സ്നേഹിക്കുകയാണ് സാനിയ.
നിരവധിപ്പേരാണ് സാനിയയുടെ ചിത്രങ്ങൾക്കു കമന്റുകളുമായി വരുന്നത്. സാനിയയുടെ ധൈര്യം സമ്മതിക്കണമെന്നും ഇതൊക്കെ എങ്ങനെ സാധിക്കുന്നുവെന്നും ആരാധകർ ചോദിക്കുന്നു. നടിയുടെ വിദേശയാത്രയ്ക്കിടെ പകർത്തിയ ചിത്രങ്ങളാണിത്.
ഇരഗുപട്രു എന്ന ചിത്രത്തിലൂടെ തമിഴിലും നായികയായി എത്തി. ഈ മാസം റിലീസ് ചെയ്ത ചിത്രത്തിലെ സാനിയയുടെ പ്രകടനത്തിന് പ്രശംസ ലഭിക്കുന്നുണ്ട്. എമ്പുരാൻ നടിയുടെ പുതിയ പ്രോജക്ട്.
