അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.നോൺ വെജ് ആയിട്ടുള്ള വ്യക്തികൾക്ക് എല്ലാ ദിവസും മീൻ കഴിക്കണമെന്നു നിർബന്ധമാണ്. മീൻ കറി ഇല്ലെങ്കിൽ ചോർ കഴിക്കാൻ തോന്നില്ല എന്ന് പറയുന്ന എത്രയോ പേർ നമുക്കിടയിലുണ്ട്. മീൻ നന്നാക്കുമ്പോൾ പലർക്കും കിട്ടാറില്ല ഒന്നാണ് മീൻ മുട്ട. ഇതിനു പ്രാദേശിക പേരുകൾ നിരവധിയുണ്ട്.
പനിഞ്ഞിൽ, പരിഞ്ഞിൽ അങ്ങനെയൊക്കെ മീൻ മുട്ടയെ അറിയപ്പെടും. പലരും ഇത് കളയാറാണ് പതിവ്. എന്നാൽ ഇവയുടെ ഗുണങ്ങൾ പലതുണ്ട്. വിറ്റാമിൻ ബി12,വിറ്റാമിൻ ഡി, വിറ്റാമിൻ ബി എന്നിവ പനിഞ്ഞിലിൽ അടങ്ങിയിട്ടുണ്ട്. ഹൃദയാരോഗ്യം ഒരു പരിധി വരെ മീൻ മുട്ട സംരക്ഷിക്കും. മീൻ മുട്ടയിൽ അടങ്ങിയിരിക്കുന്ന ആന്റി ഓക്സിഡന്റ് ത്വക്ക് സംരക്ഷണത്തിന് സഹായിക്കും. ഇവ ആന്റി ഏജിനിങ്ങായിട്ടു പ്രവർത്തിക്കുകയും ചെറുപ്പം നില നിർത്തുകയും ചെയ്യുന്നു.
മീൻ മുട്ടയ്‌ക്കൊപ്പം മീനും നിരവധി ഗുണങ്ങളുണ്ടെന്ന് എല്ലാവർക്കുമറിയാം. എന്നാൽ മീൻ എല്ലായ്‌പ്പോഴും പൊരിച്ചു കഴിക്കുന്നതും ആരോഗ്യത്തിന് നല്ലതല്ല. മീൻ കറിവെച്ചോ,ഗ്രില്‍ ചെയ്തോ കഴിക്കുന്നതാണ് കൂടുതൽ നല്ലതെന്നും ആരോഗ്യവിദഗ്ധർ ഉപദേശിക്കുന്നു
മീൻ കഴിക്കുന്നതിന്റെ ഗുണങ്ങൾ എന്തെല്ലാം?
ഒമേഗ -3
ഒമേഗ -3 (ഒമേഗ 3 ഫുഡ്) മനുഷ്യന്റെ വികസനത്തിനും നല്ല ആരോഗ്യത്തിനും വളരെ പ്രധാനമാണ്. ഇത് കുറച്ച് വസ്തുക്കളിൽ നിന്ന് മാത്രമേ ലഭിക്കൂ. മനുഷ്യന്റെ തലച്ചോറിന്റെയും കണ്ണുകളുടെയും വികാസത്തിനും ആരോഗ്യത്തിനും ഇവ വളരെ പ്രധാനമാണ്. സാൽമൺ, മത്തി, ട്രൗട്ട് മത്സ്യങ്ങൾ എന്നിവയിൽ ആവശ്യത്തിന് ഒമേഗ -3 ഫാറ്റി ആസിഡുകൾ അടങ്ങിയിട്ടുണ്ട്.
മനുഷ്യ മസ്തിഷ്‌കത്തിന്റെ ഭൂരിഭാഗവും കുട്ടിക്കാലത്ത് വികസിക്കുന്നു. പ്രായമാകുമ്പോൾ അതിന്റെ പ്രവർത്തനം ദുർബലമാകാൻ തുടങ്ങുന്നു. അതുകൊണ്ടാണ് മസ്തിഷ്‌കത്തെ ശക്തിപ്പെടുത്തുന്നതിനും ജാഗ്രത പുലർത്തുന്നതിനും മത്സ്യം കഴിക്കുന്നത് സഹായിക്കും. മത്സ്യത്തിൽ അടങ്ങിയിരിക്കുന്ന പോഷക ഗുണങ്ങൾ തലച്ചോറിന്റെ ശക്തി വർധിപ്പിക്കുന്നതിലൂടെ തലച്ചോറിന്റെ പ്രവർത്തനം മെച്ചപ്പെടുത്തുകയും ചെയ്യും.
പ്രോട്ടീനും പോഷകങ്ങളും
മത്സ്യങ്ങളിൽ ധാരാളം പ്രോട്ടീൻ അടങ്ങിയിട്ടുണ്ട്. ഇത് നിങ്ങളുടെ പേശികൾക്ക് ശക്തി നൽകുന്നു. പ്രായമാകുമ്പോൾ ആളുകൾക്ക് അവരുടെ പേശികളുടെ ബലഹീനത അനുഭവപ്പെടും. അതുപോലെ സ്പോർട്സ്, വ്യായാമം തുടങ്ങിയ ശാരീരിക പ്രവർത്തനങ്ങളിൽ ഏർപ്പെടുന്നവരും അവരുടെ ആരോഗ്യം നിലനിർത്താൻ ആവശ്യമായ പ്രോട്ടീൻ ലഭിക്കുന്നതിന് മത്സ്യം സഹായിക്കും.
വൈറ്റമിൻ ഡി
വൈറ്റമിൻ ഡിയുടെ ഏറ്റവും വലിയ സ്രോതസാണ് സൂര്യപ്രകാശം. വളരെ കുറച്ച് ഭക്ഷണങ്ങളിൽ മാത്രമേ വൈറ്റമിൻ ഡി കാണപ്പെടുന്നുള്ളൂ. വിറ്റാമിൻ ഡിയുടെ ഏറ്റവും മികച്ച സ്രോതസ്സുകളിലൊന്നാണ് മത്സ്യം. ഈ വിറ്റാമിന്റെ കുറവ് മൂലം എല്ലുകൾ ദുർബലമാവുകയും അവ പൊട്ടാനുള്ള സാധ്യത കൂടുതലാണ്. അതിനാൽ, പതിവായി മത്സ്യം കഴിക്കുന്നത് എല്ലുകളെ ശക്തിപ്പെടുത്താൻ സഹായിക്കും.
കാഴ്ചശക്തി
പ്രായമാകുന്തോറും കാഴ്ചശക്തി കുറയുന്നു. ഇന്നത്തെ കാലത്ത് കംമ്പ്യൂട്ടർ സ്‌ക്രീനിനും മൊബൈൽ ഫോണിനും മുന്നിൽ കൂടുതൽ സമയം ചെലവഴിക്കുന്നവരാണ് മിക്കവരും. ഇത് കണ്ണുകളെ വലിയ രീതിയിൽ ദോഷം ചെയ്യുന്നുണ്ട്. മത്സ്യങ്ങളിലുള്ള ഒമേഗ -3 ഫാറ്റി ആസിഡുകൾ കാഴ്ചശക്തി കുറക്കുന്നത് തടയാൻ സഹായിക്കുമെന്ന് പഠനങ്ങൾ തെളിയിച്ചിട്ടുണ്ട്.
