അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.പ്രശസ്ത ബ്രിട്ടീഷ് നടൻ അയാൻ ഗെൽഡർ (74) അന്തരിച്ചു. അർബുദ ബാധയേത്തുടർന്നാണ് അന്ത്യം. ജീവിതപങ്കാളിയും സഹതാരവുമായ ബെൻ ഡാനിയൽസ് ഇൻസ്റ്റാഗ്രാമിലൂടെ അറിയിച്ചതാണ് ഇക്കാര്യം. ഗെയിം ഓഫ് ത്രോൺസ് എന്ന വെബ് സീരീസിലെ കെവാൻ ലാനിസ്റ്റർ എന്ന വേഷം അവിസ്മരണീയമാക്കിയ നടനായിരുന്നു ഗെൽഡർ.
കഴിഞ്ഞദിവസം പ്രാദേശികസമയം ഉച്ചയ്ക്ക് ഒന്നരയോടെയാണ് ഗെൽഡറിന്റെ മരണം സംഭവിച്ചത്. തൻ്റെ പ്രിയപ്പെട്ട ഭർത്താവും ജീവിത പങ്കാളിയുമായ അയാൻ ഗെൽഡറിൻ്റെ വേർപാട് അറിയിക്കാൻ താൻ ഈ പോസ്റ്റ് ഇടുന്നത് വലിയ സങ്കടത്തോടെയും ദശലക്ഷക്കണക്കിന് കഷണങ്ങളായി തകർന്ന ഹൃദയത്തോടെയുമാണെന്ന് ബെൻ ഡാനിയൽസ് കുറിച്ചു. കഴിഞ്ഞ ഡിസംബർ മുതൽ ഗെൽഡർ അർബുദത്തോട് പോരാടുകയായിരുന്നുവെന്നും ഡാനിയൽസ് കുറിച്ചു. കഴിഞ്ഞ 30 വർഷമായി ഇരുവരും ജീവിത പങ്കാളികളാണ്.
View this post on Instagram
ഈ വർഷമാദ്യം ബിബിസി വണ്ണിന്റെ പീരിയോഡിക്കൽ ഡിറ്റക്ടീവ് സീരീസായ ഫാദർ ബ്രൗണിൽ ഗെൽഡർ വേഷമിട്ടിരുന്നു. ടോർച്ച് വുഡ്, ഹിസ് ഡാർക്ക് മെറ്റീരിയൽസ്, ഡോക്ടർ ഹു, സ്നാച്ച്, ദ ബിൽ തുടങ്ങിയ പരമ്പരകളിൽ ശ്രദ്ധേയമായ വേഷം അവതരിപ്പിച്ചു. നിരവധി പേരാണ് ഗെൽഡറിന് ആദരാഞ്ജലികളർപ്പിച്ച് എത്തിയത്.
