വീണ്ടും കാട്ടാന: തുരത്താൻ ശ്രമിക്കുന്നതിനിടെ യുവതിക്ക് ഗുരുതരമായി പരിക്കേറ്റു

കഞ്ചിക്കോട്: വീണ്ടും കാട്ടാന ആക്രമണം. വാളയാർ വനമേഖലയിലാണ് കാട്ടാന ആക്രമണമുണ്ടായത്. ആക്രമണത്തിൽ യുവതിക്ക് ഗുരുതരമായി പരിക്കേറ്റു. നടുപ്പതി ആദിവാസി കോളനിയിലാണ് സംഭവം നടന്നത്.

കോളനിയിലെ വീരയ്ക്കാണ് (36) പരുക്കേറ്റത്. യുവതി ഗുരുതരാവസ്ഥയിലാണ്. ഇന്നലെ അർധരാത്രിയിലാണ് സംഭവം. രാത്രി കോളനിയിലെത്തിയ ആനയെ തുരത്തുന്നതിടെ വീരയ്ക്ക് പരുക്കേൽക്കുകയായിരുന്നെന്നാണ് വിവരം. ഗുരുതരാവസ്ഥയിലുള്ള വീര ജില്ലാ ആശുപത്രിയിൽ ചികിത്സയിലാണ്.