അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.സ്മാർട്ട് ഫോണിലും എക്സ്പയറി ഡേറ്റ് ഉണ്ട്. എന്നാൽ ഇതേക്കുറിച്ച് ഉപയോക്താക്കൾ ബോധവാന്മാരല്ല. ഇപ്പോഴിതാ ഇതുമായി ബന്ധപ്പെട്ട റിപ്പോർട്ട് പുറത്തുവിട്ടിരിക്കുകയാണ് ഫോക്സ് ന്യൂസ് . ഇവരുടെ റിപ്പോർട്ട് പ്രകാരം വിലകുറഞ്ഞ ഫോണുകളുടെ എക്സ്പയറി ഡേറ്റ് ഒന്നോ രണ്ടോ വർഷം മാത്രമായിരിക്കും. എന്നാൽ മിക്ക ഫോണുകളും വിപണിയിൽ ഇറക്കുന്നത് നാലുവർഷം വരെ പ്രവർത്തിക്കാവുന്ന രീതിയിലും ആണ്. എക്സ്പയറി ഡേറ്റ് കഴിഞ്ഞാൽ ഫോൺ കേടാകുമെന്ന് അവർ ഉറപ്പിച്ചു പറയുന്നില്ല. പകരം കേടാകാനുള്ള സാധ്യതയുണ്ട് എന്നാണ് പറയുന്നത്. നമ്മുടെ ഫോണിൻറെ എക്സ്പയറി ഡേറ്റ് എങ്ങനെ പരിശോധിക്കാം എന്നും റിപ്പോർട്ടിൽ പറയുന്നു. മാത്രമല്ല എക്സ്പ്പയറി ഡേറ്റ് വരെയും ഫോൺ ഹെൽത്തിയായി സൂക്ഷിക്കാനുള്ള മാർഗങ്ങളും റിപ്പോർട്ടിലുണ്ട്.
കാലാവധി കഴിഞ്ഞത് ഉപയോഗിച്ചാല്‍ എന്ത് പറ്റും എന്ന് ചിന്തിക്കുന്നവര്‍ക്കായി, സുപ്രധാന സോഫ്റ്റ്വെയര്‍ അപ്ഡേറ്റുകള്‍ ലഭിക്കില്ല എന്നതാണ് പ്രധാന പ്രശ്‌നം. സുരക്ഷാ അപ്ഡേറ്റും ലഭിക്കില്ല. ഹാക്കര്‍മാര്‍ക്ക് ഫോണിലേക്ക് എളുപ്പത്തിലെത്താനാകും. ബാങ്ക് അക്കൗണ്ടുകളും മറ്റും ഫോണ്‍ വഴി പ്രവര്‍ത്തിപ്പിക്കുന്നവര്‍ക്ക് ഇത് പണിയാകും. അല്‍പ്പം ശ്രദ്ധിച്ചാല്‍ ഫോണ്‍ പല വര്‍ഷത്തേക്ക് സുഗമമായി പ്രവര്‍ത്തിപ്പിക്കാം എന്നും റിപ്പോര്‍ട്ടില്‍ പറയുന്നുണ്ട്. സോഫ്റ്റ്വെയര്‍ അപേഡേറ്റ് ഉണ്ടെന്ന് ഉറപ്പുവരുത്തുക, ബാറ്ററി മാറ്റുക, ബാറ്ററി കേടാകാതെ നോക്കുക, അനാവശ്യ ആപ്പുകളും ഡേറ്റയും ഡിലീറ്റ് ചെയ്യുക എന്നിവയാണ് ഇതിനായി ചെയ്യാനാകുക.
ഫോണ്‍ നിര്‍മ്മിച്ച അന്നു മുതല്‍ അത് കേടാകാന്‍ ഉള്ള കൗണ്ട്ഡൗണ്‍ ആരംഭിക്കും. നിര്‍മ്മാണ തീയതി ലഭിച്ച പെട്ടിയില്‍ ഉണ്ടായിരിക്കും. അത് എറിഞ്ഞു കളഞ്ഞവര്‍ ഹാന്‍ഡ്സെറ്റിന്റെ സെറ്റിങ്സിലുള്ള ‘എബൗട്ട്’ ചെക്ക് ചെയ്താല്‍ നിര്‍മ്മാണ തീയതിയോ, സീരിയല്‍ നമ്പറോ ലഭിക്കും. മിക്ക ഫോണ്‍ നിര്‍മ്മാതാക്കളും നിര്‍മ്മാണ തിയതി ഈ സീരിയല്‍ നമ്പറില്‍ ഒളിപ്പിക്കുകയാണ് ചെയ്യുന്നത്. ലഭിച്ച സീരിയല്‍ നമ്പര്‍ https://nsdeep.info/en എന്ന വെബ്സൈറ്റ് ഉപയോഗിച്ച് പരിശോധിച്ചാല്‍ വിവരങ്ങള്‍ ലഭിക്കും. ചില ഫോണുകളില്‍ *#06# ഡയല്‍ ചെയ്താലും സീരിയല്‍ നമ്പര്‍ ലഭിക്കുമെന്ന് റിപ്പോര്‍ട്ടില്‍ പറയുന്നു. https://endoflife.date/iphone എന്ന വെബ്സൈറ്റ് വഴി പരിശോധിച്ചാലും മതിയാകും. സെക്കന്‍ഡ് ഹാന്‍ഡായി എന്തെങ്കിലും വാങ്ങാന്‍ ആഗ്രഹിക്കുന്നവര്‍ക്ക് പ്രയോജനകരമായ വെബ്സൈറ്റാണിത്. ഒരു ഉപകരണത്തിന്റെ പ്രവര്‍ത്തന കാലാവധി തീരാറായെങ്കില്‍ അത് വാങ്ങിക്കാതിരിക്കുകയാണ് ഉചിതം.
