അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.സോഷ്യല്‍ മീഡിയയില്‍ ഫാദേഴ്‌സ് ഡേയുടെ ഹാങ്ഓവര്‍ ഇതുവരെ മാറിയിട്ടില്ല. ഇപ്പോളിതാ ഫാദേഴ്‌സ് ഡേ ദിനത്തില്‍ നവ്യ പങ്കുവച്ച വിഡിയോ സോഷ്യല്‍മീഡിയയില്‍ വൈറലാകുന്നു. കുളി കഴിഞ്ഞതിനു ശേഷം തല തോര്‍ത്തി കൊടുക്കുന്ന അച്ഛന്റെ വിഡിയോയാണ് താരം പങ്കുവച്ചിരിക്കുന്നത്. തന്റെ സോഷ്യല്‍ മീഡിയ അക്കൗണ്ട് വഴിയാണ് നവ്യ വീഡിയോ പങ്കുവെച്ചത്. ഈ ലുക്കില്‍ വീഡിയോ പുറത്ത് വിട്ടതിന് തനിക്ക് വഴക്കുറപ്പാണ് എന്നും വിഡിയോയ്ക്ക താഴെ നടി എഴുതിയിരുന്നു.
പദ്മനാഭസ്വാമി ക്ഷേത്രത്തില്‍ ഭരതനാട്യ കച്ചേരി നടത്തി കുളി കഴിഞ്ഞു വന്നപ്പോഴുള്ള വിഡിയോയാണിതെന്നും, ഇത്തരത്തില്‍ വിഡിയോയില്‍ പകര്‍ത്താന്‍ സാധിക്കാതെ മനസ്സില്‍ പതിഞ്ഞുപോയ എത്രയോ നിമിഷങ്ങള്‍ ഇനിയുമുണ്ടെന്നും താരം കൂട്ടിച്ചേര്‍ത്തു. 2001ല്‍ ഇഷ്ടം എന്ന സിനിമയില്‍ ദിലീപിന്റെ നായികയായി അഭിനയിച്ചുകൊണ്ടാണ് നവ്യ ആദ്യ ചലച്ചിത്ര അരങ്ങേറ്റം നടത്തുന്നത്. അഞ്ജന എന്ന നായികാവേഷം ലഭിക്കുമ്പോള്‍ ഹൈസ്‌കൂള്‍ വിദ്യാര്‍ത്ഥിനിയായിരുന്നു. മഴത്തുള്ളിക്കിലുക്കം, കുഞ്ഞിക്കൂനന്‍, കല്യാണരാമന്‍, പാണ്ടിപ്പട, ഗ്രാമഫോണ്‍, പട്ടണത്തില്‍ സുന്ദരന്‍ തുടങ്ങിയ ചിത്രങ്ങളിലും ദിലീപിന്റെ നായികയായി അഭിനയിച്ചു.
നന്ദനത്തിലെ ‘ബാലാമണി’യാണ് നവ്യയുടെ ഏറ്റവും ജനപ്രിയ കഥാപാത്രം. 2002-ല്‍ മികച്ച നടിക്കുള്ള കേരള സംസ്ഥാന ചലച്ചിത്ര അവാര്‍ഡും മികച്ച നടിക്കുള്ള ഫിലിംഫെയര്‍ അവാര്‍ഡും അവര്‍ നേടി. മലയാളത്തില്‍ മോഹന്‍ലാല്‍, മമ്മൂട്ടി, സുരേഷ് ഗോപി, ജയറാം, ദിലീപ്, പൃഥ്വിരാജ്, ജയസൂര്യ എന്നിവര്‍ക്കൊപ്പവും നവ്യ അഭിനയിച്ചിട്ടുണ്ട്. ഫാദേഴ്‌സ് ഡേയില്‍ നയന്‍ താരയും വിഘ്‌നേഷ് ശിവനും പോസ്റ്റ് ചെയ്ത ചിത്രങ്ങളും വീഡിയോയും ഇതിനോടകം ശ്രദ്ധ നേടിയിരുന്നു.
