അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.രാജ്കുമാർ പെരിയസാമി സംവിധാനം ചെയ്ത് റിലീസിനൊരുങ്ങുന്ന പുത്തൻ തമിഴ് ചിത്രമാണ് അമരൻ. ഭീകരർക്കെതിരായി പോരാടി വീരമൃത്യു വരിച്ച ധീരനായ ഒരു സൈനിക ഉദ്യോഗസ്ഥന്റെ യഥാർത്ഥ ജീവിതമാണ് സിനിമയുടെ പ്രമേയം. മേജർ മുകുന്ദ് വരദരാജൻ, ഇന്ദു റബേക്ക എന്നീ പേരുകളുള്ള കേന്ദ്ര കഥാപാത്രങ്ങളെ അവതരിപ്പിക്കുന്നത് ശിവകാർത്തികേയനും സായ് പല്ലവിയുമാണ്. കമൽഹാസന്റെ രാജ് കമൽ ഫിലിംസാണ് ചിത്രത്തിന്റെ നിർമാണം നടത്തുന്നത്.
ആരാണ് മേജർ മുകുന്ദ് വരദരാജൻ?
മേജർ മുകുന്ദ് വരദരാജൻ രജപുത്ര റെജിമെൻ്റിൽ കമ്മീഷൻ ചെയ്ത ഒരു ഇന്ത്യൻ ആർമി ഓഫീസറായിരുന്നു. ജമ്മു കശ്മീരിലെ 44-ാമത് രാഷ്ട്രീയ റൈഫിൾസ് ബറ്റാലിയനിലേക്ക് ഡെപ്യൂട്ടേഷനിലായിരിക്കെ തീവ്രവാദ വിരുദ്ധ ഓപ്പറേഷനിൽ നടത്തിയ പ്രവർത്തനങ്ങൾക്ക് മരണാനന്തരം അശോക് ചക്ര നൽകി ആദരിച്ച വ്യക്തികൂടെയാണ് മേജർ മുകുന്ദ്. തമിഴിൽ അദ്ദേഹത്തിൻ്റെ ജീവചരിത്രം പറയുന്ന ചലച്ചിത്രമാണ് അമരൻ.
1983 ഏപ്രിൽ 12-ന് ആർ. വരദരാജൻ്റെയും ഗീതയുടെയും മകനായി ജനിച്ചു. മുകുന്ദ് തൻ്റെ ദീർഘകാല കാമുകി ഇന്ദു റെബേക്ക വർഗീസിനെ 2009 ഓഗസ്റ്റ് 28 ന് വിവാഹം കഴിച്ചു.
2014ൽ തെക്കൻ കശ്മീരിലെ ഒരു ഗ്രാമത്തിൽ തീവ്രവാദ വിരുദ്ധ തിരച്ചിലിന് നേതൃത്വം നൽകിയിരുന്നു. ഓപ്പറേഷൻ സമയത്ത്, അദ്ദേഹത്തിൻ്റെ ടീമിന് കനത്ത വെടിവയ്പുണ്ടായി. ഓപ്പറേഷനിൽ ഗുരുതരമായി പരിക്കേറ്റെങ്കിലും ഡ്യൂട്ടി പൂർത്തിയാക്കിയ ശേഷം കുഴഞ്ഞുവീഴുകയായിരുന്നു. മൂന്ന് വെടിയുണ്ടകൾ അദ്ദേഹത്തിന്റെ ശരീരത്തിൽ തറച്ചു. ഉടൻ ശ്രീനഗറിലെ ആർമി ഹോസ്പിറ്റലിൽ എത്തിച്ചെങ്കിലും റെജിമെന്റൽ മെഡിക്കൽ ഓഫീസറുടെ കൈകളിൽ കിടന്ന് അദ്ദേഹം മരണത്തിന് കീഴടങ്ങി.
2014-ൽ ഇന്ത്യയുടെ ഏറ്റവും ഉയർന്ന സമാധാനകാല ധീരതയുള്ള അശോക് ചക്ര അദ്ദേഹത്തിന് മരണാനന്തര ബഹുമതിയായി ലഭിച്ചു. തമിഴ്‌നാട്ടിൽ നിന്ന് അശോകചക്രം ലഭിക്കുന്ന നാലാമത്തെ വ്യക്തിയാണ് മുകുന്ദ്.
ഒമ്പത് വർഷത്തെ പ്രണയത്തിനൊടുവിലാണ് മലയാളിയായ ഇന്ദു റെബേക്ക മുകുന്ദിന്റെ ജീവിത സഖിയായത്.
STORY HIGHLIGHT: amaran movie the real story of major mukund varadarajan
