ഇടനിലക്കാരുമായി മാത്രം ഇടപാടുകള്‍ നടത്തണം: ആശിഷ്‌കുമാര്‍ ചൗഹാന്‍
Updated: Nov 14, 2023, 23:44 IST
കോഴിക്കോട്: നാഷണല്‍ സ്റ്റോക്ക് എക്‌സ്‌ചേഞ്ചിലെ മൂഹൂര്‍ത്ത വ്യാപാരം സാമ്പത്തിക രംഗത്തെ നമ്മുടെ അഭിലാഷങ്ങളുടെ തെളിവാണ്. ഊര്‍ജ്ജസ്വലമായ വിപണിയില്‍ നാം ശ്രദ്ധയോടു കൂടിയ തെരഞ്ഞെടുപ്പുകളുടേയും തന്ത്രപരമായ നിക്ഷേപങ്ങളുടേയും യാത്രയ്ക്ക് തുടക്കം കുറിക്കുന്ന വേളയില്‍ ഇടനിലക്കാരുമായി മാത്രം ഇടപാടുകള്‍ നടത്താനും നിയന്ത്രണങ്ങള്‍ക്കു കീഴിലല്ലാത്ത പദ്ധതികളില്‍ നിന്ന് ഒഴിഞ്ഞു നില്‍ക്കാനും എന്‍എസ്ഇ നിക്ഷേപകരോട് അഭ്യര്‍ത്ഥിക്കുകയാണെന്ന് നാഷണല്‍ സ്റ്റോക്ക് എക്‌സ്‌ചേഞ്ച് എംഡിയും സിഇഒയുമായ ആശിഷ്‌കുമാര്‍ ചൗഹാന്‍ പറഞ്ഞു.
ഓഹരി വിപണി ദീര്‍ഘകാല സ്വത്തു സമ്പാദനത്തിന് ഉദ്ദേശിച്ചുള്ളതാണ്. സുഖകരമല്ലാത്ത അനുഭവമുണ്ടായാല്‍ അത് നിക്ഷേപകരെ ഓഹരി വിപണിയിലേക്കു വീണ്ടും എത്തുന്നതിനെ നിരുത്സാഹപ്പെടുത്തും. ഡെറിവേറ്റീവുകളില്‍ അടങ്ങിയിരിക്കുന്ന ഉയര്‍ന്ന അപകട സാധ്യത കണക്കിലെടുത്ത് ചെറുകിട നിക്ഷേപകര്‍ ഡെറിവേറ്റീവുകളില്‍ ട്രേഡു ചെയ്യുന്നത് ഒഴിവാക്കണമെന്നും ആശിഷ്‌കുമാര്‍ ചൗഹാന്‍ അഭിപ്രായപ്പെട്ടു .
ഒരു ദീര്‍ഘകാല നിക്ഷേപകനാകുക. ഇന്ത്യയുടെ വിജയഗാഥയില്‍ പങ്കാളിയാകാനുള്ള ഏറ്റവും മികച്ച മാര്‍ഗം അതാണ്. ഓഹരി വ്യാപാരം അനുകൂലമാകട്ടെ എന്നും നിക്ഷേപങ്ങള്‍ ഫലം തരട്ടെ എന്നും മുന്നോട്ടുള്ള പാതയിലും സാമ്പത്തിക വിജയത്തിലും ദീപാവലിയുടെ ആവേശം വഴികാട്ടിയാകട്ടെ എന്നും അദ്ദേഹം ആശംസിച്ചു.
അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു
Tags
