മദ്യം വാങ്ങാന്‍ പണം നല്‍കിയില്ല; അമ്മയെ തീകൊളുത്തി കൊലപ്പെടുത്താന്‍ ശ്രമിച്ച് മകൻ

crime
 മദ്യം വാങ്ങാന്‍ പണം നല്‍കാത്തതിനാൽ  അമ്മയെ മകന്‍ തീകൊളുത്തി കൊലപ്പെടുത്താന്‍ ശ്രമിച്ചു. തൃശൂര്‍ പുന്നയൂര്‍കുളത്ത് ആണ് സംഭവം .ചമന്നൂര്‍ സ്വദേശി മനോജ് ആണ് അമ്മ ശ്രീമതിയെ കൊലപ്പെടുത്താന്‍ ശ്രമിച്ചത്. ഗുരുതരമായി പൊള്ളലേറ്റ ശ്രീമതിയെ എറണാകുളത്തെ സ്വകാര്യ ആശുപത്രിയില്‍ പ്രവേശിപ്പിച്ചു 

ഇന്നലെ രാത്രി 9.45ഓടെയാണ് സംഭവമുണ്ടായത്.സംഭവത്തിൽ ഗുരുതരമായി പൊള്ളലേറ്റ  75കാരിയായ ശ്രീമതിയെ ആദ്യം കുന്നംകുളത്തെ സ്വകാര്യ ആശുപത്രിയിലും പിന്നീട് തൃശൂരിലെ ആശുപത്രിയിലും പ്രവേശിപ്പിച്ചെങ്കിലും സ്ഥിതി വഷളായതോടെയാണ് എറണാകുളത്തേക്ക് മാറ്റിയത്. മനോജിനെ പൊലീസ് കസ്റ്റഡിയിലെടുത്തു. ഇയാളെ പൊലീസ് ചോദ്യം ചെയ്ത് വരികയാണ്.വടക്കേക്കാട് സിഐയുടെ നേതൃത്വത്തില്‍ കേസെടുത്തു.