ട്രോളി ബാഗിൽ അജ്ഞാത യുവതിയുടെ മൃതദേഹം

dead body
ആഗ്ര: ട്രോളി ബാഗില്‍ അജ്ഞാത യുവതിയുടെ മൃതദേഹം കണ്ടെത്തി. ഏതാണ്ട് മുപ്പത് വയസ് പ്രായം വരുമെന്ന് പൊലീസ് പറഞ്ഞു. കഴുത്തില്‍ താലിയുണ്ടായിരുന്നതായും വലതുകൈയില്‍ റാണി എന്‍ എന്ന് പച്ചകുത്തിയതായും പൊലീസ് പറഞ്ഞു. 

മഥുരയിലെ ഛാട്ട പ്രദേശത്ത് എന്‍എച്ച്‌ 2 ന് സമീപത്തുള്ള സംസ്കൃതി സര്‍വകലാശാലയ്ക്ക് സമീപത്തെ കനാലിന് അടുത്ത് നിന്നാണ് രാത്രി ഏഴരയോടെ പ്രദേശവാസികള്‍ മൃതദേഹം കണ്ടത്.തുടര്‍ന്ന് വിവരം പോലീസിനെ അറിയിക്കുകയായിരുന്നു. 

മൃതദേഹം തിരിച്ചറിയാന്‍ കഴിയാത്ത സാഹചര്യത്തില്‍ 72 മണിക്കൂറിനുള്ളില്‍ പോസ്റ്റ് മോര്‍ട്ടം നടത്തുമെന്ന് പൊലീസ് പറഞ്ഞു. മൃതദേഹം തിരിച്ചറിയാനുള്ള നടപടി ക്രമങ്ങള്‍ പുരോഗമിക്കുകയാണെന്നും സമീപ സംസ്ഥാനങ്ങളിലേക്കും വിവരം കൈമാറിയതായി പൊലീസ് പറഞ്ഞു