ഷാജി കൈലാസും മോഹൻലാലും ഒന്നിക്കുന്ന എലോൺ;പുതിയ വിശേഷവുമായി ഷാജികൈലാസ്

elon
 

12 വര്‍ഷത്തെ ഇടവേളയ്ക്ക് ശേഷം ഷാജി കൈലാസും മോഹൻലാലും ഒന്നിക്കുന്ന എലോൺ എന്ന  ചിത്രം ഫൈനല്‍ സ്റ്റേജിൽ ആണെന്ന സന്തോഷം പങ്കുവെച്ച് ഷാജികൈലാസ് . എഡിറ്റിം​ഗ് ഫോട്ടോയ്ക്ക് ഒപ്പമാന് ഷാജി കൈലാസ് ചിത്രത്തിന്റെ വിശേഷം പങ്കുവെച്ചത് . എല്ലാവരുടെയും അനു​ഗ്രഹം കൂടെ ഉണ്ടാകണമെന്നും അദ്ദേഹം ആവശ്യപ്പെടുന്നു. 

ആശിര്‍വാദ് സിനിമാസിന്‍റെ ബാനറില്‍ ആന്‍റണി പെരുമ്പാവൂര്‍ നിർമിക്കുന്ന ചിത്രമാണ് എലോൺ. അതേസമയം, ചിത്രം തിയറ്ററിൽ എത്തിക്കാൻ പറ്റില്ലെന്നും വന്നാൽ ​ലാ​ഗ് ആണെന്ന് ജനങ്ങൾ പറയുമെന്നും സംവിധായകൻ നേരത്തെ പറഞ്ഞിരുന്നു. രണ്ട് തിയറ്ററിലെങ്കിലും ഇറക്കി നോക്കാമെന്ന് ആന്റണി പെരുമ്പാവൂർ പറയുന്നുണ്ടെന്നും അദ്ദേഹം പറഞ്ഞിരുന്നു. 

2009ല്‍ പുറത്തെത്തിയ ക്രൈം ത്രില്ലര്‍ ചിത്രം 'റെഡ് ചില്ലീസി'നു ശേഷം മോഹന്‍ലാല്‍ നായകനാവുന്ന ഷാജി കൈലാസ് ചിത്രം കൂടിയാണ് എലോണ്‍. രാജേഷ് ജയരാമനാണ് തിരക്കഥ ഒരുക്കുന്നത്.