തിയറ്റര്‍ മേഖല വളരെ കഷ്ടത്തിലാണ്; ആത്മഹത്യകളുടെ എണ്ണം കൂട്ടണോയെന്ന് എല്ലാവരും ആലോചിക്കണം; ഇടവേള ബാബു

Idavela Babu
തിരുവനന്തപുരം: തിയറ്റര്‍ മേഖല വളരെ കഷ്ടത്തിലാണ്, ആത്മഹത്യകളുടെ എണ്ണം കൂട്ടണോയെന്ന് എല്ലാവരും ആലോചിക്കണമെന്ന്  ഇടവേള ബാബു. മുഖ്യമന്ത്രി വിളിക്കുന്ന യോഗത്തില്‍ തങ്ങളുടെ ആവശ്യങ്ങള്‍ മുന്നോട്ടുവെക്കുമെന്ന് ഇടവേള ബാബു അറിയിച്ചു.

തിയറ്റര്‍ ഉടമകള്‍ക്ക് കെഎസ്‌ഇബി ഫിക്സഡ് ചാര്‍ജില്‍ ഇളവ് നല്‍കണമെന്നും ഇരട്ട നികുതി ഒഴിവാക്കണമെന്നും ആവശ്യപ്പെടും. രണ്ട് ഡോസ് വാക്സിന്‍ സ്വീകരിച്ചവര്‍ക്ക് മാത്രമേ തിയറ്ററില്‍ പ്രവേശനം അനുവദിക്കൂ എന്ന നിബന്ധനയില്‍ താരസംഘടനയ്ക്ക് ആശങ്കയുണ്ടെന്നും അദ്ദേഹം പറഞ്ഞു.

ഇന്‍ഡ്യന്‍ മെഡികല്‍ അസോസിയേഷന്റെ അഭിപ്രായത്തോട് വിയോജിപ്പിച്ചില്ലെന്ന് അദ്ദേഹം അറിയിച്ചു. പക്ഷേ  സാഹചര്യങ്ങള്‍ മറ്റൊന്നാണ്. തിയറ്റര്‍ മേഖല വളരെ കഷ്ടത്തിലാണ്. ആത്മഹത്യകളുടെ എണ്ണം കൂട്ടണോയെന്ന് എല്ലാവരും ആലോചിക്കണമെന്നും ഇടവേള ബാബു പറഞ്ഞു.

ഈ മാസം 25 മുതല്‍ കോവിഡ് മാനദണ്ഡങ്ങള്‍ അനുസരിച്ച്‌ തിയറ്ററുകള്‍ക്ക് പ്രവര്‍ത്തിക്കാന്‍ സർക്കാർ അനുമതി നല്‍കിയിട്ടുണ്ട്. ഏപ്രില്‍ 25നു അടച്ച തിയറ്ററുകള്‍ ആറ് മാസത്തിനു ശേഷമാണ് വീണ്ടും തുറക്കുന്നത്. അതേസമയം 50 ശതമാനം സീറ്റില്‍ മാത്രം പ്രവേശനമനുവദിച്ചാല്‍ റിലീസ് നഷ്ടമായിരിക്കുമെന്ന് അറിയിച്ച്‌ മരക്കാര്‍, ആറാട്ട് അടക്കമുള്ള ബിഗ് ബജറ്റ് ചിത്രങ്ങള്‍ നേരത്തെ റിലീസില്‍ നിന്ന് പിന്മാറിയിരുന്നു.