സിനിമ-സീരിയല്‍ നടി ബേബി സുരേന്ദ്രന്‍ അന്തരിച്ചു

DA

പ്രശസ്ത സിനിമ-സീരിയൽ നടി ബേബി സുരേന്ദ്രൻ (പ്രസന്ന സുരേന്ദ്രൻ) അന്തരിച്ചു. 63 വയസ്സായിരുന്നു. ഹൃദയ സംബന്ധമായ അസുഖത്തെ തുടര്‍ന്ന് ചികിത്സയിലായിരുന്നു . കഴിഞ്ഞദിവസം ശസ്ത്രക്രിയയ്ക്ക്  വിധേയയായിരുന്നു. ആരോഗ്യസ്ഥിതി മോശമായതിനെ തുടര്‍ന്ന് ചൊവ്വാഴ്ച രാത്രിയോടെ കൂടി മരണം സംഭവിച്ചു.

എന്‍റെ സൂര്യപുത്രിക്ക് ,സ്ത്രീധനം,തച്ചോളി വർഗീസ് ചേകവർ , ഇന്നലെകളില്ലാതെ,ഗ്ലോറിയ ഫെർണാണ്ടസ് ഫ്രം യു.എസ്.എ തുടങ്ങിയ സിനിമകളിൽ അഭിനയിച്ചിട്ടുണ്ട്. തി.മി.രം ആയിരുന്നു അവസാനം അഭിനയിച്ച സിനിമ.നടിയുടെ നിര്യാണത്തില്‍ അനുശോചനം അറിയിച്ചുകൊണ്ട് നിരവധിപേരാണ് സോഷ്യല്‍ മീഡിയയിലൂടെ രംഗത്തെത്തുന്നത്.