പകർച്ചപ്പനി: ഫ്ലൂ ​വാ​ക്സി​ൻ സ്വീ​ക​രി​ക്ക​ണ​മെ​ന്നാവശ്യപ്പെട്ട് എ​ച്ച്.​എം.​സി

ahammed medical corparation
ദോ​ഹ: എ​ത്ര​യും വേ​ഗം  ഫ്ലൂ ​വാ​ക്സി​ൻ സ്വീ​ക​രി​ക്ക​ണ​മെ​ന്നാവശ്യപ്പെട്ട്  ഹ​മ​ദ് മെ​ഡി​ക്ക​ൽ കോ​ർ​പ​റേ​ഷ​ൻ (എ​ച്ച്.​എം.​സി). പ്ര​തി​വ​ർ​ഷം പ​ക​ർ​ച്ച​പ്പ​നി ബാ​ധി​ച്ച് 500ല​ധി​കം പേ​രെ ഹ​മ​ദ് മെ​ഡി​ക്ക​ൽ കോ​ർ​പ​റേ​ഷ​നു കീ​ഴി​ലെ  ആ​ശു​പ​ത്രി​ക​ളി​ൽ പ്ര​വേ​ശി​പ്പി​ക്കു​ന്നു​ണ്ടെന്നും,പക​ർ​ച്ച​പ്പ​നി​യെ നി​സ്സാ​ര​മാ​ക്ക​രു​തെ​ന്നും ചെ​റി​യ രോ​ഗ​മാ​ണെ​ങ്കി​ലും ചി​ല​പ്പോ​ൾ മ​ര​ണ​ത്തി​നു​വ​രെ കാ​ര​ണ​മാ​കു​ന്നു​ണ്ടെ​ന്നും എ​ച്ച്.​എം.​സി മു​ന്ന​റി​യി​പ്പ് ന​ൽ​കു​ന്നു.

 ജ​ല​ദോ​ഷ​പ്പ​നി​യാ​യി ഇ​തി​നെ നി​സ്സാ​ര​മാ​ക്ക​രു​തെ​ന്നും ഇ​ൻ​ഫ്ലു​വ​ൻ​സ വൈ​റ​സ്​ മൂ​ല​മു​ണ്ടാ​കു​ന്ന രോ​ഗം മൂ​ക്ക്, തൊ​ണ്ട, ശ്വാ​സ​കോ​ശം എ​ന്നി​വ​യെ സാ​ര​മാ​യി ബാ​ധി​ക്കു​മെ​ന്നും സാം​ക്ര​മി​ക​രോ​ഗ പ്ര​തി​രോ​ധ​കേ​ന്ദ്രം മെ​ഡി​ക്ക​ൽ ഡ​യ​റ​ക്ട​ർ ഡോ. ​മു​നാ അ​ൽ മ​സ്​​ല​മാ​നി പ​റ​ഞ്ഞു.

ഗു​രു​ത​ര​മാ​യ രോ​ഗാ​വ​സ്​​ഥ​​യ്ക്കും ചി​ല​പ്പോ​ൾ മ​ര​ണ​ത്തി​നും  ഇ​ത് കാ​ര​ണ​മാ​കു​മെ​ന്നും പ്ര​തി​വ​ർ​ഷം 500ലേെ​റ രോ​ഗി​ക​ളെ പ​നി​ബാ​ധി​ച്ച് രാ​ജ്യ​ത്തെ ആ​ശു​പ​ത്രി​ക​ളി​ൽ പ്ര​വേ​ശി​പ്പി​ക്കു​ന്നു​ണ്ടെ​ന്നും ശ​രാ​ശ​രി ഓ​രോ വ​ർ​ഷ​വും 12 പേ​ർ മ​രി​ക്കു​ന്ന​താ​യും അ​വ​ർ വി​ശ​ദീ​ക​രി​ച്ചു. ഈ ​വ​ർ​ഷം വ​ള​രെ നേരത്തെതന്നെ പ്ര​തി​രോ​ധ കു​ത്തി​വെ​പ്പ്​ ആ​രം​ഭി​ച്ചി​ട്ടു​ണ്ട്. പ​നി സീ​സ​ണി​നു​ മു​മ്പാ​യി രോ​ഗ​പ്ര​തി​രോ​ധ​ശേ​ഷി വ​രു​ത്തു​ക​യാ​ണ് ല​ക്ഷ്യമെന്ന്  ഡോ. ​അ​ൽ മ​സ്​​ല​മാ​നി പറഞ്ഞു. 

മു​ൻ വ​ർ​ഷ​ങ്ങ​ളെ അ​പേ​ക്ഷി​ച്ച്​ നേരത്തെതന്നെ  നി​ര​വ​ധി​പേ​ർ പ​നി​ച്ച്​ ചി​കി​ത്സ തേ​ടി എ​ത്തി​യ​തോ​ടെ​യാ​ണ്​ വാ​ക്​​സി​നേ​ഷ​നും പ​തി​വി​ലും നേ​ര​ത്തേ ആ​രം​ഭി​ച്ച​ത്. സെ​പ്​​റ്റം​ബ​ർ ഒ​ന്നു​ മു​ത​ൽ പ്രാ​ഥ​മി​കാ​രോ​ഗ്യ കേ​ന്ദ്ര​ങ്ങ​ൾ, സ്വ​കാ​ര്യ ആ​ശു​പ​ത്രി​ക​ൾ എ​ന്നി​വ കേ​ന്ദ്രീ​ക​രി​ച്ചാ​ണ്​ പ​നിക്കുള്ള  വാ​ക്​​സി​ൻ ന​ൽ​കി​ത്തു​ട​ങ്ങി​യ​ത്.

സാ​ധ്യ​മാ​കു​ന്ന​വ​ർ വ​ള​രെ വേ​ഗ​ത്തി​ൽ വാ​ക്സി​ൻ സ്വീ​ക​രി​ച്ച് രോ​ഗ​പ്ര​തി​രോ​ധ​ശേ​ഷി കൈ​വ​രി​ക്ക​ണ​മെ​ന്ന്​ ഡോ. ​അ​ൽ മ​സ്​​ല​മാ​നി ആ​വ​ശ്യ​പ്പെ​ട്ടു. ആ​രോ​ഗ്യ​മു​ള്ള​വ​രി​ലും ഫ്ലൂ ​പ്ര​തി​കൂ​ല​മാ​യി ബാ​ധി​ക്കു​മെ​ന്നും ഇ​വ​രി​ലൂ​ടെ മ​റ്റു​ള്ള​വ​രി​ലേ​ക്കും രോ​ഗം പ​ക​രാ​ൻ സാ​ധ്യ​ത​യു​ണ്ടെ​ന്നും അ​തി​നാ​ൽ എ​ല്ലാ​വ​രും വാ​ക്സി​ൻ സ്വീ​ക​രി​ക്കാ​ൻ മു​ന്നോ​ട്ടു​വ​ര​ണ​മെ​ന്നും അ​വ​ർ പ​റ​ഞ്ഞു. വാ​ക്സി​ൻ സ്വീ​ക​രി​ച്ചാ​ലും ദി​നം​പ്ര​തി​യു​ള്ള മു​ൻ​ക​രു​ത​ലു​ക​ൾ തു​ട​ര​ണം. രോ​ഗി​ക​ളി​ൽ​നി​ന്നും അ​ക​ന്നു​നി​ൽ​ക്കു​ക, തു​മ്മു​മ്പോ​ഴും ചു​മ​ക്കു​മ്പോ​ഴും കൈ ​കൊ​ണ്ടോ തൂ​വാ​ല​കൊ​ണ്ടോ ക​വ​ർ ചെ​യ്യു​ക, നി​ര​ന്ത​രം കൈ​ക​ൾ ക​ഴു​കി വൃ​ത്തി​യാ​ക്കു​ക തു​ട​ങ്ങി​യ​വ പ്രാ​വ​ർ​ത്തി​ക​മാ​കു​ന്ന​തി​ലൂ​ടെ രോ​ഗ​വ്യാ​പ​നം കു​റ​ക്കാ​ൻ സാ​ധി​ക്കു​മെ​ന്നും അ​വ​ർ പ​റ​ഞ്ഞു. രാ​ജ്യ​ത്തെ 28 പ്രാ​ഥ​മി​കാ​രോ​ഗ്യ ചി​കി​ത്സ കേ​ന്ദ്ര​ങ്ങ​ളി​ലും 40ല​ധി​കം സ്വ​കാ​ര്യ ക്ലി​നി​ക്കു​ക​ളി​ലും വാ​ക്സി​ൻ ല​ഭ്യ​മാ​ണെ​ന്നും അ​വ​ർ വ്യ​ക്ത​മാ​ക്കി.