രോഗവ്യാപനത്തിനിടെ ആരോഗ്യപ്രവർത്തകർക്കും കോവിഡ് ബാധിച്ചു,വലഞ്ഞ് ആരോഗ്യമേഖല

health department
ന്യൂ​ഡ​ല്‍​ഹി: കോ​വി​ഡ്, ഒ​മി​​ക്രോ​ണ്‍ വ്യാ​പ​ന​ത്തി​ടെ ആ​രോ​ഗ്യ​പ്ര​വ​ര്‍​ത്ത​ക​രും അതിനിരയാവുകയാണ്. കോ​വി​ഡ്​ ബാ​ധി​ച്ച​ത്​ ആ​രോ​ഗ്യ​മേ​ഖ​ല​യെ സാ​ര​മാ​യി ബാ​ധി​ച്ചുകൊണ്ടിരിക്കുന്നു.ബി​ഹാ​ര്‍ ന​ള​ന്ദ മെ​ഡി​ക്ക​ല്‍ കോ​ള​ജി​ല്‍ മൂ​ന്നു​ ദി​വ​സ​ത്തി​നി​ടെ 168 ഡോ​ക്ട​ര്‍​മാ​ര്‍​ക്കും പ​ഞ്ചാ​ബി​ലെ പ​ട്യാ​ല മെ​ഡി​ക്ക​ല്‍ കോ​ള​ജി​ലെ 80 ഡോ​ക്ട​ര്‍​മാ​ര്‍​ക്കും കോ​വി​ഡ്​ ബാ​ധി​ച്ചു.

ഡ​ല്‍​ഹി എം​യി​സി​ലെ 50 ഡോ​ക്ട​ര്‍​മാ​ര്‍​ക്കും സ​ഫ്​​ദ​ര്‍​ജ​ങ്​ ആ​ശു​പ​ത്രി​യി​ലെ 25 ഡോ​ക്ട​ര്‍​മാ​ര്‍​ക്കും കോ​വി​ഡ്​ ബാ​ധി​ച്ച്‌​ നി​രീ​ക്ഷ​ണ​ത്തി​ലാ​ണ്.  കൂ​ടാ​തെ, ല​ഖ്​​നോ, കൊ​ല്‍​ക്ക​ത്ത ന​ഗ​ര​ങ്ങ​ളി​ലും ആ​രോ​ഗ്യ പ്ര​വ​ര്‍​ത്ത​ക​ര്‍​ക്കി​ട​യി​ല്‍ കോ​വി​ഡ്​ വ്യാ​പി​ച്ചി​ട്ടു​ണ്ട്.

പ്ര​തി​ദി​ന കേ​സു​ക​ള്‍ 20,000 എ​ത്തി​യാ​ല്‍ ലോ​ക്​​ഡൗ​ണ്‍ പ്ര​ഖ്യാ​പി​ക്കു​മെ​ന്ന്​ മും​ബൈ മേ​യ​ര്‍ വ്യ​ക്ത​മാ​ക്കി. ഡ​ല്‍​ഹി, പ​ഞ്ചാ​ബ്, ഗോ​വ സം​സ്ഥാ​ന​ങ്ങ​ള്‍ നി​യ​​ന്ത്ര​ണ​ങ്ങ​ള്‍ ക​ടു​പ്പി​ച്ചു. ഡ​ല്‍​ഹി​യി​ല്‍ വാ​രാ​ന്ത്യ ലോ​ക്ഡൗ​ണ്‍ ഏ​ര്‍​പ്പെ​ടു​ത്തി. വെ​ള്ളി​യാ​ഴ്ച രാ​ത്രി 10 മു​ത​ല്‍ തി​ങ്ക​ള്‍ രാ​വി​ലെ അ​ഞ്ചു വ​രെ​യാ​ണ്​ ലോ​ക്ഡൗ​ണ്‍. അ​വ​ശ്യ സ​ര്‍​വി​സ്​ ഒ​ഴി​കെ​യു​ള്ള സ​ര്‍​ക്കാ​ര്‍, സ്വ​കാ​ര്യ ജീ​വ​ന​ക്കാ​ര്‍ വ​ര്‍​ക്​ ഫ്രം ​​ഹോം സം​വി​ധാ​ന​ത്തി​ലേ​ക്ക്​ മാ​റ​ണ​മെ​ന്നും ജ​ന​ങ്ങ​ള്‍ അ​ത്യാ​വ​ശ്യ കാ​ര്യ​ത്തി​നു മാ​ത്ര​മേ പു​റ​ത്തി​റ​ങ്ങാ​വൂ എ​ന്നും ഉ​പ​മു​ഖ്യ​മ​ന്ത്രി മ​നീ​ഷ്​ സി​സോ​ദി​യ അ​റി​യി​ച്ചു. 

ചൊ​വ്വാ​ഴ്ച ചേ​ര്‍​ന്ന സം​സ്ഥാ​ന ദു​ര​ന്ത നി​വാ​ര​ണ ​അ​തോ​റി​റ്റി യോ​ഗ​ത്തി​ലാ​ണ്​ നി​യ​​ന്ത്ര​ണ​ങ്ങ​ള്‍ ക​ടു​പ്പി​ക്കാ​ന്‍ തീ​രു​മാ​നി​ച്ച​ത്. ബ​സു​ക​ളി​ലും മെ​​ട്രോ​ക​ളി​ലും സീ​റ്റു​ക​ളു​ടെ എ​ണ്ണ​ത്തി​ന്‍റെ 50 ശ​ത​മാ​നം യാ​ത്ര​ക്കാ​ര്‍​ക്ക്​ മാ​ത്ര​മാ​യി​രു​ന്നു യാ​ത്ര അ​നു​മ​തി ന​ല്‍​കി​യി​രു​ന്ന​ത്. ഇ​ത്​ ബ​സ്​ സ്​​റ്റോ​പ്പു​ക​ളി​ലും മെ​ട്രോ സ്​​റ്റേ​ഷ​നു​ക​ളി​ലും വ​ലി​യ ആ​ള്‍​ക്കൂ​ട്ട​ത്തി​ന്​ കാ​ര​ണ​മാ​യ​തി​നെ തു​ട​ര്‍​ന്ന്​ മു​​ഴു​വ​ന്‍ സീ​റ്റി​ലും യാ​ത്ര​ക്കാ​രെ ക​യ​റ്റാ​ന്‍ അ​നു​മ​തി ന​ല്‍​കി.

വി​ദ്യാ​ഭ്യാ​സ സ്​​ഥാ​പ​ന​ങ്ങ​ള്‍, സി​നി​മാ​ശാ​ല​ക​ള്‍, ജി​മ്മു​ക​ള്‍, സ്വി​മ്മി​ങ്​​ പൂ​ള്‍, വി​നോ​ദ പാ​ര്‍​ക്കു​ക​ള്‍, ഓ​ഡി​റ്റോ​റി​യ​ങ്ങ​ള്‍ എ​ന്നി​വ അ​ട​ച്ചി​ടു​ന്ന​ത​ട​ക്ക​മു​ള്ള നേ​ര​ത്തെ ഏ​ര്‍​പ്പെ​ടു​ത്തി​യ നി​യ​ന്ത്ര​ണ​ങ്ങ​ള്‍ തു​ട​രും. 5,481 പേ​ര്‍​ക്കാ​ണ്​ ഡ​ല്‍​ഹി​യി​ല്‍ പു​തു​താ​യി കോ​വി​ഡ്​ സ്ഥി​രീ​ക​രി​ച്ച​ത്. ടെ​സ്റ്റ്​ പോ​സി​റ്റി​വി​റ്റി നി​ര​ക്ക്​ 8.37 ശ​ത​മാ​ന​ത്തി​ലെ​ത്തി.