കൽക്കരി ട്രെ​യിനുകളുടെ യാത്ര വേഗത്തിലാകും; 657 യാ​ത്രാ ട്രെ​യി​നു​ക​ൾ റ​ദ്ദാ​ക്കി

 

ന്യൂ​ഡ​ൽ​ഹി: ക​ൽ​ക്ക​രി​ക്ഷാ​മം ക​ടു​ത്ത വൈ​ദ്യ​തി പ്ര​തി​സ​ന്ധി​ക്കു വ​ഴി​തെ​ളി​ച്ച സാ​ഹ​ച​ര്യ​ത്തി​ൽ ക​ൽ​ക്ക​രി നീ​ക്കം വേ​ഗ​ത്തി​ലാ​ക്കാ​ൻ ട്രെ​യി​നു​ക​ൾ റ​ദ്ദാ​ക്കി കേ​ന്ദ്ര​സ​ർ​ക്കാ​ർ. വി​വി​ധ സം​സ്ഥാ​ന​ങ്ങ​ളി​ലാ​യി 657 മെ​യി​ൽ, പാ​സ​ഞ്ച​ർ ട്രെ​യി​നു​ക​ൾ റ​ദ്ദാ​ക്കി.

രാജ്യത്ത് കൽക്കരി പ്രതിസന്ധി രൂക്ഷമായതോടെ യുദ്ധകാലാടസ്ഥാനത്തിൽ കൽക്കരി എത്തിക്കാനുള്ള ശ്രമമാണ് റെയിൽവേ അധികൃതരുടെ ഭാഗത്തുനിന്ന് ഉണ്ടാവുന്നത്. ഇതിനായി 42 പാസഞ്ചർ ട്രെയിനുകൾ നേരത്തെ റദ്ദാക്കിയിരുന്നു. പല സംസ്ഥാനങ്ങളിലെയും വൈദ്യുതി നിലയങ്ങളിലെ സ്റ്റോക്ക് വളരെ കുറവായതിനാലാണ് ഇത്തരം നടപടി. താപവൈദ്യുത നിലയങ്ങളിൽ കൽക്കരി ശേഖരം കുറയുന്നതിനാലാണ് ട്രെയിനുകൾ റദ്ദാക്കിയതെന്നാണ് റെയിൽവേ അധികൃതർ അറിയിക്കുന്നത്.

മേ​യ് 24 വ​രെ​യാ​ണ് റ​ദ്ദാ​ക്ക​ൽ ന​ട​പ​ടി. ക​ൽ​ക്ക​രി​യു​മാ​യി പോ​കു​ന്ന ട്രെ​യി​നു​ക​ളു​ടെ യാ​ത്ര വേ​ഗ​ത്തി​ലാ​ക്കാ​നാ​ണ് വി​വി​ധ സം​സ്ഥാ​ന​ങ്ങ​ളി​ലെ ട്രെ​യി​നു​ക​ൾ റ​ദ്ദാ​ക്കി​യ​ത്. 657 ട്രെ​യി​നു​ക​ളി​ൽ അ​ഞ്ഞൂ​റി​ൽ കൂ​ടു​ത​ലും ദീ​ർ​ഘ​ദൂ​ര മെ​യി​ൽ, എ​ക്സ്പ്ര​സ് ട്രെ​യി​നു​ക​ളാ​ണ്. 148 പാ​സ​ഞ്ച​ർ ട്രെ​യി​നു​ക​ളും റ​ദ്ദാ​ക്കി​യി​ട്ടു​ണ്ട്.

അ​തേ​സ​മയം, ട്രെയിനുകൾ നിർത്തലാക്കിയത് താൽക്കാലികമാണെന്നും എത്രയും പെട്ടെന്ന് പുനഃസ്ഥാപിക്കുമെന്നും ഇന്ത്യൻ റെയിൽവേ എക്‌സിക്യൂട്ടീവ് ഡയറക്ടർ ഗൗരവ് ക്രിഷ്ണ ബൻസാൽ പ്രതികരിച്ചു.