ലുലു മാളിനുള്ളിൽ നിസ്‌കരിച്ച നാല് യുവാക്കളെ കസ്റ്റഡിയിലെടുത്തു ചോദ്യം ചെയ്തു
Tue, 19 Jul 2022
ലഖ്നൗവിലെ ലുലു മാളിനുള്ളിൽ നിസ്‌കരിച്ച നാല് യുവാക്കളെ കസ്റ്റഡിയിലെടുത്തു ചോദ്യം ചെയ്തു . ലുലുവിന്റെ ഉദ്ഘാടനം കഴിഞ്ഞ് രണ്ട് പിന്നിട്ടപ്പോഴാണ് നിസ്‌കരിക്കുന്ന വീഡിയോ പുറത്തുവന്നത്. ഒൻപത് പേരാണ് ലുലുവിൽ നിസ്‌കരിച്ചത്. അതിൽ നാല് പേരെ പോലീസ് തിരിച്ചറിഞ്ഞു. അഞ്ച് പേർക്കായുള്ള തിരച്ചിൽ തുടരുകയാണ്.പിടിക്കപ്പെട്ട നാല് യുവാക്കളെയും ചോദ്യം ചെയ്തു. മുസ്ലീങ്ങളായ ഇവർ സംഘമായി ചേർന്ന് ലുലുവിൽ നിസ്‌കരിക്കുകയായിരുന്നുവെന്നും പോലീസ് പറഞ്ഞു.
അതേസമയം നിസ്‌കാര വീഡിയോ പുറത്തുവന്നതിന് പിന്നാലെ ലുലുവിൽ വലിയ പ്രതിഷേധവുമായി ഹിന്ദു സംഘടനകളും എത്തിയിരുന്നു.നേരത്തെ അറസ്റ്റിലായവരും മുസ്ലീങ്ങളാണെന്നായിരുന്നു പ്രചരിച്ചത്. എന്നാൽ ഈ പ്രചാരണം പോലീസ് തള്ളി. ലുലുവിനുള്ളിൽ മതപരമായ ആചാരങ്ങൾ നടത്തിയതിനാണ് ഇവരെ അറസ്റ്റ് ചെയ്തിരിക്കുന്നത്. യോഗി, പഥക്, ഗോസ്വാമി എന്നിവർ പൂജ നടത്താൻ ശ്രമിക്കുമ്പോൾ അലി മാളിന്റെ പരിസരത്ത് നമസ്‌കരിക്കാൻ ശ്രമിക്കുകയായിരുന്നു.
സരോജ് നാഥ് യോഗി, കൃഷ്ണ കുമാർ പതക്, ഗൗരവ് ഗോസ്വാമി, അർഷാദ് അലി എന്നീ നാല് പേരെയാണ് ജൂലൈ 15ന് കസ്റ്റഡിയിലെടുത്തതെന്ന് പോലീസ് പറഞ്ഞു. ഈ നാലുപേരെക്കൂടാതെ ക്രമസമാധാനം തകർത്തതിന് 18 പേർക്കെതിരെ കേസെടുത്തിട്ടുണ്ട്. ഹനുമാൻ ചാലിസ ചൊല്ലിയതിനും പ്രതിഷേധ പ്രകടനത്തിൽ ഏർപ്പെട്ടതിനും രണ്ടുപേരെ കസ്റ്റഡിയിലെടുക്കുകയും ചെയ്തിട്ടുണ്ട്.
