ന്യൂഡൽഹി: ആറ് രാജ്യസഭാ സീറ്റുകളിലേക്കുള്ള ഉപതെരഞ്ഞെടുപ്പ് പ്രഖ്യാപിച്ച് തെരഞ്ഞെടുപ്പ് കമ്മീഷൻ. ഒക്ടോബർ നാലിനാണ് തെരഞ്ഞെടുപ്പ്. സെപ്റ്റംബർ 22 വരെയാണ് നാമനിര്ദേശ പത്രിക സമര്പ്പിക്കാനുള്ള അവസരം.
തമിഴ്നാട്, മഹാരാഷ്ട്ര, ആസാം, പശ്ചിമ ബംഗാള്, മധ്യപ്രദേശ് എന്നീ സംസ്ഥാനങ്ങളിലാണ് ഉപതെരഞ്ഞെടുപ്പ് നടക്കാനിരിക്കുന്നത്. നാല് സംസ്ഥാനങ്ങളില് ഓരോ സീറ്റുകളിലും തമിഴ്നാട്ടിലെ രണ്ട് സീറ്റുകളിലേക്കുമാണ് തെരഞ്ഞെടുപ്പ്.
കാലാവധി പൂര്ത്തിയായ പുതുച്ചേരിയിലെ ഒരു രാജ്യസഭാ സീറ്റിലും തെരഞ്ഞെടുപ്പ് പ്രഖ്യാപിച്ചിട്ടുണ്ട്. എന്. ഗോപാലകൃഷ്ണന്റെ കാലാവധി ഒക്ടോബര് ആറിന് അവസാനിക്കും.
പശ്ചിമ ബംഗാള്, ആസാം, തമിഴ്നാട്, മധ്യപ്രദേശ് എന്നിവിടങ്ങളില് നിന്നുള്ള അംഗങ്ങള് രാജിവച്ചതോടെയാണ് അഞ്ചുസീറ്റുകള് ഒഴിവുവന്നത്. മഹാരാഷ്ട്രയില് നിന്നുള്ള രാജീവ് ശങ്കര്റാവു മരണപ്പെട്ടതോടെയാണ് തെരഞ്ഞെടുപ്പ് വേണ്ടിവന്നത്.
Comments