ന്യൂഡല്ഹി: ദേശീയ പൗരത്വ നിയമം നടപ്പാക്കാന് കേന്ദ്രസര്ക്കാര് നടപടി തുടങ്ങി. ഇതിന്റെ ഭാഗമായി പൗരത്വത്തിന് അയല് രാജ്യങ്ങളിലെ അഭയാര്ത്ഥികളില് നിന്ന് കേന്ദ്ര ആഭ്യന്തര മന്ത്രാലയം അപേക്ഷ ക്ഷണിച്ചു.
അഫ്ഗാനിസ്താന്, ബംഗ്ലാദേശ്, പാകിസ്ഥാന് എന്നിവിടങ്ങളില് നിന്ന് ഇന്ത്യയിലേക്ക് എത്തിയ മുസ്ലിം ഇതര പൗരന്മാരില് നിന്നാണ് ഇന്ത്യന് പൗരത്വം നേടുന്നതിനുള്ള അപേക്ഷ ക്ഷണിച്ചത്. ഗുജറാത്ത്, രാജസ്ഥാന്, ഛത്തീസ്ഗഡ്, ഹരിയാന, പഞ്ചാബ് സംസ്ഥാനങ്ങളില്ലെ 13 ജില്ലകളില് താമസിക്കുന്നവരില് നിന്നാണ് അപേക്ഷ തേടിയത്. ഇവര് 2014 ഡിസംബര് 31 നുള്ളില് ഇന്ത്യയിലെത്തിയവരായിരിക്കണം എന്ന നിബന്ധനയുമുണ്ട്.
സിഎഎ നിയമം 2019 ൽ കൊണ്ടുവന്നപ്പോൾ രാജ്യമൊട്ടാകെ വലിയ തോതിലുള്ള പ്രതിഷേധം ഉയർന്നിരുന്നു. 2020 ന്റെ തുടക്കത്തിലും പ്രതിഷേധം ശക്തമായിരുന്നു. എന്നാൽ കൊവിഡ് വ്യാപനത്തെ തുടർന്നാണ് സമരങ്ങൾ തണുത്തത്.
നിയമ പ്രകാരം ബംഗ്ലാദേശ്, പാക്കിസ്ഥാൻ, അഫ്ഗാനിസ്ഥാൻ എന്നിവിടങ്ങളിൽ നിന്നുള്ള ഹിന്ദു, സിഖ്, ജെയിൻ, ബുദ്ധിസ്റ്റ്, പാഴ്സി, ക്രിസ്ത്യൻ മത വിഭാഗങ്ങളിൽ നിന്നുള്ളവർക്ക് ഇന്ത്യൻ പൗരത്വത്തിന് അപേക്ഷിക്കാൻ സാധിക്കും.
Comments