ഭോപ്പാൽ: മധ്യപ്രദേശിൽ 27 പേർക്ക് ഡെങ്കിപ്പനി സ്ഥിരീകരിച്ചു. ഇതിൽ 16 പേർ ഗ്വാളിയോറിൽനിന്നുള്ളവരാണ്. രോഗം പടരാതിരിക്കാനുള്ള എല്ലാ മുൻകരുതലുകളും സ്ഥിരീകരിച്ചതായി ചീഫ് മെഡിക്കൽ ഓഫീസർ ഡോ. മനീഷ് ശർമ പറഞ്ഞു.
ഡെങ്കിയുടെ തുടക്കത്തില് തലവേദനയോടുകൂടിയ ജ്വരം, ശരീരവേദന, മസിലുകളിലും സന്ധികളിലും വേദന തുടങ്ങിയ ലക്ഷണങ്ങളാണ് ഉണ്ടാവുക. ഡെങ്കിപ്പനി പരത്തുന്ന കൊതുകിന്റെ കടിയേറ്റ ശേഷമുള്ള 4 മുതല് 7 വരെ ദിവസങ്ങളില് ഈ ലക്ഷണങ്ങള് കണ്ടുതുടങ്ങും.എന്നാല് ചിലപ്പോള് ഇത് 14 ദിവസത്തോളമെടുത്തേക്കാം. ഇവ കണ്ടാല് ഉടന്തന്നെ വൈദ്യസഹായം തേടണം. 5 മുതല് 7 ദിവസം വരെയാണ് സാധാരണഗതിയില് പനി നീണ്ടുനില്ക്കുക.
Comments