ന്യൂഡല്ഹി: രാജ്യത്ത് കോവിഡ് ബാധിതര്ക്ക് ഉപയോഗിക്കാന് അനുമതി ലഭിച്ച 2-ഡി.ജി മരുന്ന് ഉപയോഗിക്കുന്നവര്ക്ക് നിര്ദേശങ്ങളുമായി നിര്മാതാക്കളായ ഡി.ആര്.ഡി.ഒ. രോഗബാധ സാരമായ ഘട്ടത്തിലുള്ളവര്ക്കും അതിതീവ്രമായി ബാധിച്ചവര്ക്കും 10 ദിവസം വരെ മരുന്ന് നല്കാമെന്ന് ഡി.ആര്.ഡി.ഒ വാര്ത്താ കുറിപ്പില് അറിയിച്ചു.
അതേസമയം പ്രമേഹം കൂടുതലുള്ളവര്, ഹൃദ്രോഗികള്, ശ്വസന പ്രശ്നങ്ങളുള്ളവര് (എ.ഡി.എസ്), വൃക്ക രോഗികള് തുടങ്ങിയവരില് 2-ഡി.ജിയുടെ പാര്ശ്വഫലങ്ങള് പഠന വിധേയമാക്കിയിട്ടില്ല. അതിനാല്, ഈ വിഭാഗക്കാര് മരുന്ന് കഴിക്കുേമ്ബാള് പ്രത്യേക ജാഗ്രത കാണിക്കണം.
ഗര്ഭിണികള്, മുലയൂട്ടുന്നവര്, 18 വയസ്സിന് താഴെയുള്ളവര് എന്നിവര്ക്ക് ഈ മരുന്ന് നല്കരുത്. രാജ്യത്ത് റെഡ്ഡീസ് ലാബ് ആണ് മരുന്ന് വിതരണം ചെയ്യുന്നത്. കൂടുതല് വിശദാംശങ്ങള്ക്ക് ഈ മരുന്നുകമ്ബനിയുമായി ബന്ധപ്പെടണമെന്നും ഡി.ആര്.ഡി.ഒ നിര്ദേശിക്കുന്നു.
Comments