ന്യൂഡൽഹി: മുൻ രാഷ്ട്രപതി ഗ്യാനി സെയിൽ സിംഗിന്റെ ചെറുമകൻ ഇന്ദർജീത്ത് സിംഗ് ബിജെപിയിൽ ചേർന്നു. കേന്ദ്രമന്ത്രി ഹർദീപ് സിംഗ് പുരിയുടെ സാന്നിധ്യത്തിലാണ് അദ്ദേഹത്തിന്റെ ബിജെപി പ്രവേശനം. തന്റെ മുത്തച്ഛന്റെ ആഗ്രഹമാണ് ബിജെപിയിൽ ചേർന്നതിലൂടെ താൻ നിറവേറ്റിയതെന്ന് ഇന്ദർജീത്ത് സിംഗ് പറഞ്ഞു.
പഞ്ചാബ് ബി.ജെ.പിയുടെ ചുമതല വഹിക്കുന്ന ദുഷ്യന്ത് ഗൗതം ഇന്ദര്ജീത്തിനെ പാര്ട്ടിയിലേക്ക് സ്വാഗതം ചെയ്തു. പഞ്ചാബിലെ ജനങ്ങളുടെ മനസ്സില് ബി.ജെ.പിക്ക് പ്രത്യേക സ്ഥാനമുണ്ടെന്ന് തെളിയിക്കുന്നതാണ് ഇന്ദര്ജീത്തിന്റെ വരവെന്നും അദ്ദേഹം കൂട്ടിച്ചേര്ത്തു. ഞാന് ബി.ജെ.പിയില് ചേരണമെന്ന് മുത്തച്ഛന് ആഗ്രഹിച്ചിരുന്നു. എ.ബി. വാജ്പേയിയെയും എല്.കെ. അദ്വാനിയെയും തനിക്ക് പരിചയപ്പെടുത്തി തന്നത് ഗ്യാനി സെയില് സിങ് ആണെന്നും ഇന്ദര്ജീത് പറഞ്ഞു.