ഭൂവനേശ്വർ: ഒഡീഷയില് കനത്ത മഴ തുടരുന്ന സാഹചര്യത്തില് സ്കൂളുകള് അടച്ചു. സംസ്ഥാനത്തെ 12 ജില്ലകളിലെ സ്കൂളുകള്ക്കാണ് രണ്ട് ദിവസത്ത അവധി നല്കിയത്.
ബംഗാള് ഉള്ക്കടലില് രൂപംകൊണ്ട ന്യൂനമര്ദം അതിശക്തി പ്രാപിച്ചതോടെയാണ് സംസ്ഥാനത്ത കനത്ത മഴ പെയ്യുന്നത്. ഭൂവനേശറില് കഴിഞ്ഞ 24 മണിക്കൂറില് രാവിലെ 8.30വരെ 195 മില്ലീ ലിറ്റര് മഴ ലഭിച്ചു. ഇതോടെ 63 വര്ഷം പഴക്കമുള്ള റിക്കാര്ഡാണ് പഴങ്കഥയായത്.13 ജില്ലകളില് കാലാവസ്ഥ നിരീക്ഷണകേന്ദ്രം ജാഗ്രതാ നിര്ദേശം നല്കിയിട്ടുണ്ട്.