ന്യൂഡൽഹി; കനത്ത മഴയെ തുടര്ന്ന് ഡൽഹി വിമാനത്താവളത്തില് വെള്ളക്കെട്ട്. ഇന്ദിരാഗാന്ധി വിമാനത്താവളത്തിന്റെ ടെർമിനലിലും റൺവേയിലും വെള്ളം കയറി. നിരവധി വിമാനങ്ങൾ വൈകുകയും വഴിതിരിച്ച് വിടുകയും ചെയ്തു. റോഡുകളിലും വെള്ളം നിറഞ്ഞതോടെ ഗാതാഗതക്കുരുക്ക് രൂക്ഷമായി.
എയർപോർട്ടിൽ വെള്ളം കയറിയതിന്റെ ദൃശ്യങ്ങൾ പുറത്തുവന്നിട്ടുണ്ട്. നിരവധി വിമാനസർവിസുകളെയാണ് മഴ പ്രതികൂലമായി ബാധിച്ചത്. ഇൻഡിഗോ, സ്പൈസ് ജെറ്റ് തുടങ്ങിയ വിമാനക്കമ്പനികൾ തങ്ങളുടെ സർവിസുകൾ റീഷെഡ്യൂൾ ചെയ്തതായി അറിയിച്ചു. യാത്രക്കാരോട് വിമാനങ്ങളുടെ തൽസ്ഥിതി പരിശോധിക്കാനും നിർദേശം നൽകി.
Comments