വ​നി​താ സു​ഹൃ​ത്ത് കോ​ക്പി​റ്റി​ൽ; എയർ ഇന്ത്യയ്ക്ക് 30 ലക്ഷം രൂപ പിഴ

 

ന്യൂഡൽഹി: പൈലറ്റ് വനിതാ സുഹൃത്തിനെ കോക്പിറ്റിൽ പ്രവേശിപ്പിച്ച സംഭവത്തിൽ എയർ ഇന്ത്യയ്ക്ക് 30 ലക്ഷം രൂപ പിഴ. പൈലറ്റിന്റെ ലൈസൻസ് ഡിജിസിഎ മൂന്നുമാസത്തേക്ക് സസ്പെൻഡ് ചെയ്തു. ഡൽഹി– ദുബായ് വിമാനത്തിൽ ഫെബ്രുവരി 27നായിരുന്നു സംഭവം.
 
വിമാനത്തിൽ കമാൻഡ് ഡ്യൂട്ടിയിലുള്ള പൈലറ്റ് യാത്രക്കാരിയായ എയർ ഇന്ത്യ ജീവനക്കാരിയെ കോക്പിറ്റിലേക്ക് പ്രവേശിക്കാൻ അനുവദിച്ചു. ഇത് ചട്ടങ്ങൾക്ക് വിരുദ്ധമാണെന്ന് ഡയറക്ടറേറ്റ് ജനറൽ ഓഫ് സിവിൽ ഏവിയേഷൻ (ഡിജിസിഎ) അറിയിച്ചു. എയർക്രാഫ്റ്റ് റൂൾസ് 1937 പ്രകാരം അധികാരം ദുരുപയോഗം ചെയ്തതിന് പൈലറ്റിന്റെ ലൈസൻസ് മൂന്നു മാസത്തേക്ക് സസ്പെൻഡ് ചെയ്തു. നിയമലംഘനം തടയാതിരുന്ന കോ പൈലറ്റിന് മുന്നറിയിപ്പ് നൽകിയിട്ടുണ്ടെന്നും ഡിജിസിഎ പറഞ്ഞു.
 
ഫെ​ബ്രു​വ​രി 27 ന് ​ഡ​ൽ​ഹി-​ദു​ബാ​യ് എ​യ​ർ ഇ​ന്ത്യ വി​മാ​ന​ത്തി​ലാ​യി​രു​ന്നു സം​ഭ​വം. കാ​ബി​ൻ ക്രൂ​വി​ലൊ​രാ​ൾ പ​രാ​തി ന​ൽ​കി​യ​തോ​ടെ​യാ​ണ് സം​ഭ​വം പു​റ​ത്തു​വ​ന്ന​ത്. എ​യ​ർ ഇ​ന്ത്യ​യു​ടെ സി​ഇ​ഒ കാം​ബെ​ൽ വി​ൽ​സ​ണി​ന് ഈ ​കാ​ബി​ൻ ക്രൂ ​ക​ത്തെ​ഴു​തു​ക​യാ​യി​രു​ന്നു. നി​യ​മ​പ്ര​കാ​രം കോ​ക്‌​പി​റ്റി​നു​ള്ളി​ൽ അ​ന​ധി​കൃ​ത​മാ​യി ആ​രെ​യും പ്ര​വേ​ശി​പ്പി​ക്കാ​ൻ പാ​ടി​ല്ല.

സു​ര​ക്ഷാ ലം​ഘ​നം സം​ബ​ന്ധി​ച്ച് എ​യ​ർ ഇ​ന്ത്യ സി​ഇ​ഒ​യെ വി​വ​രം അ​റി​യി​ച്ചി​ട്ടും ഉ​ട​ന​ടി തി​രു​ത്ത​ൽ ന​ട​പ​ടി സ്വീ​ക​രി​ച്ചി​ല്ലെ​ന്ന് ഡി​ജി​സി​എ ചൂ​ണ്ടി​ക്കാ​ട്ടു​ന്നു. കേ​സി​ലെ പ​രാ​തി​ക്കാ​ര​ൻ മാ​ർ​ച്ച് ആ​ദ്യ​മാ​ണ് സി​ഇ​ഒ​യ്ക്ക് ക​ത്ത​യ​ച്ച​ത്. എ​ന്നാ​ൽ പ്ര​തി​ക​ര​ണം ഉ​ണ്ടാ​യി​ല്ല. പി​ന്നീ​ട് സം​ഭ​വം ഇ​ന്ത്യ ടു​ഡേ റി​പ്പോ​ർ​ട്ട് ചെ​യ്ത​തോ​ടെ​യാ​ണ് വി​വാ​ദ​മാ​യ​ത്.