നിയന്ത്രണങ്ങളിൽ ഇളവ്; വിദേശസഞ്ചാരികൾക്ക് അടുത്ത മാസം 15 മുതൽ ഇന്ത്യയിലെത്താം

wq
 

ന്യൂഡൽഹി;കോവിഡ് നിയന്ത്രണങ്ങളിൽ ഇളവുകൾ പ്രഖ്യാപിച്ചതിനെ തുടർന്ന് വിദേശസഞ്ചാരികൾക്ക് അടുത്ത മാസം 15 മുതൽ ഇന്ത്യയിലെത്താം. ചാർട്ടേഡ് വിമാനങ്ങളിൽ എത്തുന്നവർക്ക് ഈ മാസം 15 മുതൽ വിസ അനുവദിക്കും. എന്നാൽ രാജ്യത്തെത്തുന്ന വിദേശികൾ എല്ലാ തരത്തിലുമുള്ള കോവിഡ് മാനദണ്ഡങ്ങൾ പാലിക്കണമെന്നും ആരോഗ്യ മന്ത്രാലയം പുറത്തിറക്കിയ അറിയിപ്പിൽ പറയുന്നു.

കോവിഡ് രാജ്യത്തെ ടൂറിസം മേഖലയെ വലിയ തോതിൽ ബാധിച്ചിരുന്നു. ഇതിൽനിന്നു കരകയറാന്‍ സർക്കാരിന്റെ ഇപ്പോഴത്തെ തീരുമാനം സഹായിക്കുമെന്ന് ടൂർ ഓപ്പറേറ്റർമാർ പറയുന്നു. കൂടാതെ ഇപ്പോൾ ഷെഡ്യൂൾ ചെയ്ത വാണിജ്യ അന്താരാഷ്ട്ര വിമാനങ്ങൾ പുനരാരംഭിക്കാൻ സർക്കാർ അനുവദിക്കണമെന്നും അവർ ആവശ്യപ്പെട്ടു.വിദേശ ടൂറിസ്റ്റുകളെ സ്വാഗതം ചെയ്യുന്ന കേന്ദ്രസർക്കാർ തീരുമാനം ആഗോളതലത്തിൽ ടൂറിസ്റ്റുകൾക്ക് ഏറെ പ്രതീക്ഷ പകരുന്നതാണ്.