ചെന്നൈ: ജോലി തട്ടിപ്പുമായി ബന്ധപ്പെട്ട് തമിഴ്നാട് മുൻ മന്ത്രി കെ.ടി രാജേന്ദ്ര ബാലാജി അറസ്റ്റിൽ. കഴിഞ്ഞ എഡിഎംകെ മന്ത്രിസഭയിൽ അംഗമായിരുന്ന ബാലാജിയെ കൃഷ്ണഗിരി ജില്ലയിലെ ഹൊസൂരിൽനിന്നാണ് അറസ്റ്റ് ചെയ്തത്.
സംസ്ഥാന ക്ഷീര മന്ത്രിയായിരിക്കെ ആവിനിൽ നിന്ന് മൂന്ന് കോടി രൂപയുടെ ഫണ്ട് ദുരുപയോഗം ചെയ്തതിന് മുൻ എഐഎഡിഎംകെ മന്ത്രി രാജേന്ദ്ര ബാലാജിയെ തമിഴ്നാട് പോലീസിന്റെ പ്രത്യേക സംഘം അറസ്റ്റ് ചെയ്തത്. തമിഴ്നാട് ഗവൺമെന്റിന്റെ ഫിഷറീസ്, മൃഗസംരക്ഷണം, ഡയറി മന്ത്രാലയത്തിന് കീഴിലുള്ള ഒരു നിയമാനുസൃത കോർപ്പറേഷനാണ് ആവിൻ.
കഴിഞ്ഞ മാസം ബാലാജിയുടെ മുൻകൂർ ജാമ്യാപേക്ഷ മദ്രാസ് ഹൈക്കോടതി തള്ളിയിരുന്നു. വിരുതനഗർ പോലീസ് രജിസ്റ്റർ ചെയ്ത കേസിലണ് അറസ്റ്റ്.
Comments