പ്ര​ധാ​ന​മ​ന്ത്രി​യു​ടെ യാ​ത്ര​യി​ൽ സു​ര​ക്ഷാ​വീ​ഴ്ച ഉ​ണ്ടാ​യി​ട്ടി​ല്ല; ക​ർ​ഷ​ക പ്ര​തി​ഷേ​ധം സം​ബ​ന്ധി​ച്ച് അ​റി​യി​പ്പ് ന​ൽ​കി​യി​രുന്നു​: പ​ഞ്ചാ​ബ് മു​ഖ്യ​മ​ന്ത്രി

ച​ണ്ഡി​ഗ​ഡ്: പ്ര​ധാ​ന​മ​ന്ത്രി​യു​ടെ യാ​ത്ര​യി​ൽ സു​ര​ക്ഷാ​വീ​ഴ്ച ഉ​ണ്ടാ​യി​ട്ടി​ല്ലെ​ന്ന് പ​ഞ്ചാ​ബ് മു​ഖ്യ​മ​ന്ത്രി ച​ര​ണ്‍​ജീ​ത് സിം​ഗ് ച​ന്നി. എ​ന്നാ​ൽ പ്ര​ധാ​ന​മ​ന്ത്രി മ​ട​ങ്ങി​പ്പോ​യ​തി​ൽ ഖേ​ദി​ക്കു​ന്ന​താ​യും അ​ദ്ദേ​ഹം പ​റ​ഞ്ഞു. ക​ർ​ഷ​ക പ്ര​തി​ഷേ​ധം സം​ബ​ന്ധി​ച്ച് പ്ര​ധാ​ന​മ​ന്ത്രി​ക്ക് നേ​ര​ത്തെ അ​റി​യി​പ്പ് ന​ൽ​കി​യി​രു​ന്നാ​യും അ​ദ്ദേ​ഹം കൂ​ട്ടി​ച്ചേ​ർ​ത്തു. 

പ്ര​ധാ​ന​മ​ന്ത്രി​യു​ടെ യാ​ത്ര​യി​ൽ സു​ര​ക്ഷാ വീ​ഴ്ച​യു​ണ്ടാ​യ സം​ഭ​വ​ത്തി​ൽ വി​മ​ർ​ശ​നം ഉ​യ​രു​ന്ന​തി​നി​ടെ​യാ​ണ് ച​ന്നി പ്ര​തി​ക​ര​ണ​വു​മാ​യി രം​ഗ​ത്തെ​ത്തി​യ​ത്.

പ്ര​ധാ​ന​മ​ന്ത്രി​യു​ടെ വാ​ഹ​ന​വ്യൂ​ഹം പ്ര​തി​ഷേ​ധ​ക്കാ​ർ ഇ​രി​ക്കു​ന്ന സ്ഥ​ല​ത്തി​ന് മു​ൻ​പ് ത​ന്നെ ത​ട​ഞ്ഞു. ഏ​തൊ​രു പ്ര​തി​ഷേ​ധ​ക്കാ​രെ​യും മാ​റ്റാ​ൻ കു​റ​ഞ്ഞ​ത് 10-20 മി​നി​റ്റ് എ​ടു​ക്കും. പ്ര​ധാ​ന​മ​ന്ത്രി​യെ ഇ​തി​നെ​ക്കു​റി​ച്ച് അ​റി​യി​ക്കു​ക​യും മ​റ്റൊ​രു വ​ഴി​യി​ൽ പോ​കാ​മെ​ന്ന് അ​റി​യി​ക്കു​ക​യും ചെ​യ്തു. പ​ക്ഷേ അ​ദ്ദേ​ഹം മു​ന്നോ​ട്ടു​പോ​കാ​നാ​ണ് തീ​രു​മാ​നി​ച്ചതെന്ന്  പ​ഞ്ചാ​ബ് മു​ഖ്യ​മ​ന്ത്രി പ​റ​ഞ്ഞു.

നിയമസഭാ തിരഞ്ഞെടുപ്പ് നടക്കാനിരിക്കുന്ന പഞ്ചാബില്‍ 42,750 കോടിയുടെ വികസന പദ്ധതിക്ക് തറക്കല്ലിടുന്നത് അടക്കമുള്ള പരിപാടികളില്‍ പങ്കെടുക്കുന്നതിനാണ് പ്രധാനമന്ത്രി എത്തിയത്. ബുധനാഴ്ച ഉച്ച കഴിഞ്ഞ് ഹുസൈനിവാലയിലെ ദേശീയ സ്മാരകത്തില്‍ പുഷ്പചക്രങ്ങള്‍ അര്‍പ്പിക്കാന്‍ പോകുന്നതിനിടെയാണ് സുരക്ഷാ വീഴ്ചയുണ്ടായത്. 

ബ​ഠിം​ഡ​യി​ലെ മേ​ൽ​പ്പാ​ല​ത്തി​ൽ പ്ര​ധാ​ന​മ​ന്ത്രി 20 മി​നി​റ്റോ​ളം കു​ടു​ങ്ങി. പ്ര​ധാ​ന​മ​ന്ത്രി​യു​ടെ വാ​ഹ​ന​വ്യൂ​ഹം മേ​ൽ‌​പ്പാ​ല​ത്തി​ൽ എ​ത്തി​യ​പ്പോ​ൾ പ്ര​തി​ഷേ​ധ​ക്കാ​ർ ത​ട​യു​ക​യാ​യി​രു​ന്നു.

പ്ര​ധാ​ന​മ​ന്ത്രി​യു​ടെ ഇ​ന്ന​ത്തെ പ​ഞ്ചാ​ബി​ലെ റാ​ലി​ക​ൾ റ​ദ്ദാ​ക്കു​ക​യും ചെ​യ്തി​ട്ടു​ണ്ട്. മ​ഴ മൂ​ലം റ​ദ്ദാ​ക്കു​ന്ന​താ​യാ​ണ് വി​ശ​ദീ​ക​ര​ണം. പ്ര​ധാ​ന​മ​ന്ത്രി ഉ​ത്ത​ർ​പ്ര​ദേ​ശി​ലെ ല​ക്നോ​വി​ൽ ന​ട​ത്താ​നി​രു​ന്ന റാ​ലി​യും റ​ദ്ദാ​ക്കി​യി​ട്ടു​ണ്ട്.