വ​നി​താ സം​വ​ര​ണ ബി​ല്ലി​ന് മ​ന്ത്രി​സ​ഭാ അം​ഗീ​കാ​രം; ബുധനാഴ്ച്ച പാ​ർ​ല​മെ​ന്‍റി​ൽ അ​വ​ത​രി​പ്പി​ക്കും

ന്യൂ​ഡ​ൽ​ഹി: 33 ശതമാനം വതിനാ സംവരണം ലക്ഷ്യമിട്ടുകൊണ്ടുള്ള വനിതാ സംവരണ ബില്ലിന് കേന്ദ്ര മന്ത്രിസഭായോ​ഗത്തിൽ അംഗീകാരം ലഭിച്ചു. ചൊ​വ്വാ​ഴ്ച ആ​രം​ഭി​ക്കു​ന്ന പ്ര​ത്യേ​ക പാ​ർ​ല​മെ​ന്‍റ് സ​മ്മേ​ള​ന​ത്തി​ൽ ബി​ൽ സ​ർ​ക്കാ​ർ അ​വ​ത​രി​പ്പി​ക്കും. പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യു​ടെ അ​ധ്യ​ക്ഷ​ത​യി​ൽ പാ​ർ​ല​മെ​ന്‍റ് അ​ന​ക്സി​ൽ ചേ​ർ​ന്ന കാ​ബി​ന​റ്റ് യോ​ഗ​ത്തി​ലാ​ണ് ബി​ല്ലി​ന് അം​ഗീ​കാ​രം ല​ഭി​ച്ച​ത്.

പാർലമെന്‍റ് പ്രത്യേക സമ്മേളനത്തിൽ വനിതാ സംവരണ ബിൽ പാസ്സാക്കണമെന്നാവശ്യപ്പെട്ട് പ്രതിപക്ഷ- പ്രാദേശിക പാർട്ടികൾ രം​ഗത്തെത്തിയിരുന്നു. 
പ്രത്യേക സമ്മേളനത്തിനു മുന്നോടിയായി വിളിച്ചു കൂട്ടിയ സർവകക്ഷിയോഗത്തിലാണ് വനിതാ സംവരണ ബില്ലിനു വേണ്ടി പാർട്ടികൾ മുന്നോട്ടു വന്നത്. ഈ സമ്മേളനത്തിൽ ബിൽ പാസ്സാക്കണമെന്ന് എല്ലാ പ്രതിപക്ഷ പാർട്ടികളും ആവശ്യപ്പെട്ടതായി സർവകക്ഷിയോഗത്തിനു ശേഷം കോൺഗ്രസ് നേതാവ് അധിർ രഞ്ജൻ ചൗധരി വ്യക്തമാക്കിയിരുന്നു.
   
ബി​ല്ലി​ന്‍റെ വി​ശ​ദാം​ശ​ങ്ങ​ൾ സ​ർ​ക്കാ​ർ പു​റ​ത്തു​വി​ട്ടി​ട്ടി​ല്ല. ഏ​തൊ​ക്കെ മ​ണ്ഡ​ല​ങ്ങ​ൾ വ​നി​താ സം​വ​ര​ണ സീ​റ്റു​ക​ളാ​കു​മെ​ന്നും ഇ​വ എ​ങ്ങ​നെ നി​ർ​ണ​യി​ക്കു​മെ​ന്നു​മു​ള്ള വി​വ​ര​ങ്ങ​ൾ അ​ട​ക്കം പു​റ​ത്തു​വ​രാ​നു​ണ്ട്.

യു​പി​എ സ​ർ​ക്കാ​ർ അ​വ​ത​രി​പ്പി​ച്ച വ​നി​താ സം​വ​ര​ണ ബി​ൽ 2010-ൽ ​രാ​ജ്യ​സ​ഭ പാ​സാ​ക്കി​യെ​ങ്കി​ലും ലോ​ക്സ​ഭ ക​ട​ക്കാ​ൻ സാ​ധി​ച്ചി​രു​ന്നി​ല്ല. രാ​ജ്യ​സ​ഭ നൈ​യാ​മി​ക തു​ട​ർ​ച്ച​യു​ള്ള നി​യ​മ​നി​ർ​മാ​ണ സ​ഭ ആ​യ​തി​നാ​ൽ ബി​ൽ റ​ദ്ദാ​യി​ട്ടി​ല്ല.

വ​നി​താ സം​വ​ര​ണ ബി​ല്ലി​നു​ള്ളി​ൽ ത​ന്നെ പ​ട്ടി​ക​ജാ​തി, പ​ട്ടി​ക​വ​ർ​ഗ സ്ത്രീ​ക​ൾ​ക്ക് പ്ര​ത്യേ​ക സം​വ​ര​ണം ഏ​ർ​പ്പെ​ടു​ത്ത​മെ​ന്ന ആ​വ​ശ്യം ഉ​ന്ന​യി​ച്ചാ​ണ് സ​മാ​ജ്‌​വാ​ദി പാ​ർ​ട്ടി അ​ട​ക്ക​മു​ള്ള ക​ക്ഷി​ക​ൾ 2010-ൽ ​ബി​ല്ലി​നെ എ​തി​ർ​ത്ത​ത്.
 
 
34 പാർട്ടികൾ പങ്കെടുത്ത സർവകക്ഷി യോഗത്തിൽ പ്രധാന ആവശ്യമായി ഉയർന്നത് വനിതാ സംവരണ ബില്ല് തന്നെയായിരുന്നു. പ്രതിപക്ഷത്തിന് പുറമെ ബിജെപി സഖ്യകക്ഷികളും ബില്ലിന് അനുകൂല നിലപാടാണ് സ്വീകരിച്ചത്. മഹിളാ മോർച്ച ദേശീയ അധ്യക്ഷയടക്കം വനിതാ സംവരണ ബിൽ കൊണ്ടുവരണമെന്ന് ആവശ്യപ്പെട്ടിരുന്നു.

അന്വേഷണം വാർത്തകൾ വാട്സ്ആപ്പിലൂടെ ലഭിക്കാൻ ക്ലിക്ക് ചെയ്യു

നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ Anweshanam

നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ ടെലിഗ്രാമിൽ അന്വേഷണം

അന്വേഷണം വാർത്തകൾ അറിയാൻ  Threads- ൽ Join ചെയ്യാം