കൊച്ചി ആഴക്കടലിൽ പാക്ക് ബോട്ടിൽനിന്ന് പിടിച്ചത് മെത്താംഫെറ്റമിൻ; മൂ​ല്യം 25,000 കോ​ടി രൂ​പ​യെ​ന്ന് എ​ൻ​സി​ബി

 

കൊ​ച്ചി: ആഴക്കടലിൽ പാക്കിസ്ഥാൻ‌ ബോട്ടിൽനിന്ന് പി​ടി​കൂ​ടി​യ വ​മ്പ​ൻ ല​ഹ​രി​മ​രു​ന്ന് ശേ​ഖ​ര​ത്തി​ന്‍റെ മൂ​ല്യം 25,000 കോ​ടി രൂ​പ ആ​ണെ​ന്ന് ന​ർ​ക്കോ​ട്ടി​ക്സ് ക​ൺ​ട്രോ​ൾ ബ്യൂ​റോ(​എ​ൻ​സി​ബി). 15,000 കോ​ടി രൂ​പ മൂ​ല്യ​മു​ള്ള ല​ഹ​രി​മ​രു​ന്ന് പി​ടി​കൂ​ടി​യെ​ന്നാ​ണ് നേ​ര​ത്തെ അ​റി​യി​ച്ചി​രു​ന്ന​ത്.

23 മ​ണി​ക്കൂ​ർ നീ​ണ്ട ക​ണ​ക്കെ​ടു​പ്പി​നൊ​ടു​വി​ൽ, 2,525 കി​ലോ മെ​ത്താം​ഫി​റ്റ​മി​ന്‍ ആ​ണ് പി​ടി​ച്ചെ​ടു​ത്ത​തെ​ന്ന് എ​ൻ​സി​ബി വ്യ​ക്ത​മാ​ക്കി. രാ​ജ്യ​ത്ത് ഇ​തു​വ​രെ പി​ടി​കൂ​ടി​യി​ട്ടു​ള്ള​തി​ല്‍ ഏ​റ്റ​വും വ​ലി​യ മെ​ത്താം​ഫി​റ്റ​മി​ന്‍ ശേ​ഖ​ര​മാ​ണി​ത്. ഉയർന്ന ഗുണനിലവാരമുള്ള മെത്താംഫെറ്റമിൻ ആയതിനാലാണു മൂല്യം കൂടിയത്. 

ഒ​രു കി​ലോ​ഗ്രാം വീ​ത​മു​ള്ള 2800 ബോ​ക്‌​സു​ക​ളി​ലാ​ണ് മെ​ത്താം​ഫി​റ്റ​മി​ന്‍ സൂ​ക്ഷി​ച്ചി​രു​ന്ന​ത്. പാ​ക്കി​സ്ഥാ​ന്‍ ക​മ്പ​നി​ക​ളു​ടെ പേ​രും മു​ദ്ര​യു​മാ​യി ഭ​ക്ഷ​ണ ക​ണ്ടെ​യ്‌​ന​റു​ക​ള്‍ എ​ന്ന് തോ​ന്നി​ക്കും വി​ധ​മാ​യി​രു​ന്നു ഇ​വ പാ​യ്ക്ക് ചെ​യ്തി​രു​ന്ന​ത്. മ​റ്റ് ല​ഹ​രി പ​ദാ​ര്‍​ഥ​ങ്ങ​ള്‍ 134 ചാ​ക്കു​ക​ളി​ലാ​ണ് ഒ​ളി​പ്പി​ച്ചി​രു​ന്ന​ത്.

പിടികൂടിയ ലഹരിമരുന്നും പാക്ക് പൗരനെയും തിങ്കളാഴ്ച മട്ടാഞ്ചേരി കോടതിയിൽ ഹാജരാക്കും. 134 ചാക്കുകളിലായിട്ടായിരുന്നു പിടിച്ചെടുത്ത ലഹരിവസ്തുക്കൾ. ഒരു കിലോ വീതമുള്ള പാക്കറ്റുകളായിട്ടായിരുന്നു മെത്താംഫെറ്റമിൻ സൂക്ഷിച്ചിരുന്നത്. 

ലഹരിമരുന്ന് പിടികൂടിയ സംഭവത്തിൽ എൻസിബിയും ഇന്ത്യൻ നേവിയും അന്വേഷണം ഊർജിതമാക്കി. കടന്നുകളഞ്ഞ 2 ബോട്ടുകൾ കണ്ടെത്തുന്നതിനായി ഇന്ത്യൻ മഹാസമുദ്രത്തിൽ വ്യാപക പരിശോധനയാണ് നടത്തുന്നത്. 

 
രഹസ്യവിവരത്തെ തുടർന്ന് ഇന്ത്യൻ നേവിയും എൻസിബിയും അറബിക്കടലിൽ നടത്തിയ തിരച്ചിലിലാണു വൻതോതിൽ രാസലഹരി കണ്ടെത്തിയത്. അഫ്ഗാനിസ്ഥാൻ, പാക്കിസ്ഥാൻ, ഇറാൻ എന്നീ രാജ്യങ്ങൾ കേന്ദ്രീകരിച്ചു പ്രവർത്തിക്കുന്ന വൻകിട റാക്കറ്റ് ഇന്ത്യൻ മഹാസമുദ്രം വഴി നടത്തുന്ന ലഹരികടത്തു വർധിച്ചതോടെ ‘ഓപ്പറേഷൻ സമുദ്രഗുപ്ത’യെന്ന പേരിൽ എൻസിബിയും നേവിയും കോസ്റ്റ് ഗാർഡും തിരച്ചിൽ ശക്തമാക്കി. 

 
ശ​നി​യാ​ഴ്ച​യാ​ണ് ക​ട​ലി​ൽ വ​ച്ച് ല​ഹ​രി​മ​രു​ന്ന് ക​ട​ത്തി​യ ബോ​ട്ട് പി​ടി​കൂ​ടി​യ​ത്. പ​രി​ശോ​ധ​ന​യ്ക്കെ​ത്തി​യ ഉ​ദ്യോ​ഗ​സ്ഥ​രെ ക​ണ്ട ല​ഹ​രി​ക്ക​ട​ത്തു​കാ​ർ കൂ​ടു​ത​ൽ ല​ഹ​രി​മ​രു​ന്ന് ക​ട​ലി​ൽ മു​ക്കി​ക്ക​ള​ഞ്ഞ​താ​യി സൂ​ച​ന​യു​ണ്ട്.