ആറ്റിങ്ങള് ഇരട്ടക്കൊലപാതക കേസിലെ പ്രതി അനുശാന്തിക്ക് ജാമ്യം. ആരോഗ്യ കാരണങ്ങള് കണക്കിലെടുത്താണ് സുപ്രീംകോടതി അനുശാന്തിക്ക് ജാമ്യം അനുവദിച്ചത്. ശിക്ഷാവിധി മരവിപ്പിച്ച് ജാമ്യം നല്കണമെന്നാ ആവശ്യപ്പെട്ടായിരുന്നു അനുശാന്തി ഹര്ജി നല്കിയിരുന്നത്.
ശിക്ഷ റദ്ദാക്കണമെന്ന അനുശാന്തിയുടെ അപേക്ഷ നിലവില് ഹൈക്കോടതിയുടെ പരിഗണനയിലാണ്. ഇതില് വിധി വരും വരെ ശിക്ഷാ വിധി മരവിപ്പിക്കണമെന്നായിരുന്നു അനുശാന്തിയുടെ ആവശ്യം.
ആരോഗ്യ പ്രശ്നങ്ങള് ചൂണ്ടിക്കാട്ടി നേരത്തെ സുപ്രീം കോടതി അനുശാന്തിക്ക് പരോള് അനുവദിച്ചിരുന്നു. നേത്രരോഗത്തിന്റെ ചികിത്സയ്ക്ക് ശേഷം തിരിച്ചെത്തിയ അനുശാന്തി നിലവില് ജയിലില് തുടരുകയാണ്.
2014 ആണ് നാല് വയസുള്ള സ്വന്തം കുഞ്ഞിനെയും ഭര്ത്താവിന്റെ അമ്മയേയും കാമുകനുമായി ചേര്ന്ന് അനുശാന്തി കൊലപ്പെടുത്തിയെന്നാണ് കേസ്. ടെക്നോപാര്ക്കിലെ സഹപ്രവര്ത്തകനും കാമുകനുമായ നിനോ മാത്യുവാണ് കൊലനടത്താന് അനുശാന്തിക്ക് കൂട്ടുനിന്നത്. അനുശാന്തിയുടെ ഭര്ത്താവ് ലിജീഷ് കൊലപാതക ശ്രമത്തില് നിന്ന് രക്ഷപ്പെട്ടിരുന്നു. കേസില്നിന്ന് മാത്യുവിന് വധശിക്ഷയ്ക്കും അനുശാന്തിയെ ഇരട്ട ജീവപര്യന്തത്തിനുമാണ് ശിക്ഷ വിധിച്ചത്.
Comments