മയോണൈസ് ചേര്‍ത്ത് ചിക്കന്‍ കഴിച്ചു; ഏഴ് വിദ്യാര്‍ത്ഥികള്‍ക്ക് ഭക്ഷ്യവിഷബാധ

mayo
 കണ്ണൂര്‍: മയോണൈസ് ചേര്‍ത്ത് ചിക്കന്‍ കഴിച്ചതിനെ തുടര്‍ന്ന് ഏഴ് വിദ്യാര്‍ത്ഥികള്‍ക്ക് ഭക്ഷ്യവിഷബാധ. കണ്ണൂര്‍ നിത്യാനന്ദ ഭവന്‍ ഇംഗ്ലീഷ് മീഡിയം സ്‌കൂളിലെ വിദ്യാര്‍ത്ഥികള്‍ക്കാണ് ഭക്ഷ്യവിഷബാധയേറ്റത്. വയറുവേദനയും ഛര്‍ദ്ദിയും അനുഭവപ്പെട്ടതിനെ തുടര്‍ന്ന് കുട്ടികളെ പാപ്പിനിശ്ശേരി സാമൂഹിക ആരോഗ്യ കേന്ദ്രത്തില്‍ പ്രവേശിപ്പിച്ചു.

അതേസമയം, ഒരു കുട്ടിയുടെ വീട്ടില്‍ നിന്ന് കൊണ്ടുവന്ന ഭക്ഷണമാണ് മറ്റു കുട്ടികള്‍ കഴിച്ചത്. കുട്ടികളുടെ ആരോഗ്യ നില തൃപ്തികരമാണെന്ന് ഡോക്ടര്‍ അറിയിച്ചു. വിദ്യാര്‍ത്ഥികളെ നിരീക്ഷിച്ച് വരികയാണെന്നും അവശത കണ്ടാല്‍ വേണ്ട നടപടി സ്വീകരിക്കുമെന്നും ഡോക്ടര്‍ പറഞ്ഞു.