സംസ്ഥാനത്ത് മദ്യവില ഉയര്ത്താന് തീരുമാനം.മദ്യ വിതരണം പ്രതിസന്ധിയിലായതോടെ നികുതിയിനത്തിൽ കഴിഞ്ഞ 15 ദിവസത്തിൽ 100 കോടി നഷ്ടമെന്ന് ബെവ്കോ അറിയിച്ചു.മദ്യവിതരണത്തിലെ പ്രതിസന്ധി പരിഹരിക്കാന് ടേൺ ഓവർ ടാക്സ് ഒഴിവാക്കുമ്പോൾ സർക്കാരിന് 170 കോടി നഷ്ടമാകും .ഈ നഷ്ടം പരിഹരിക്കാൻ വിൽപ്പന നികുതി വർദ്ധിപ്പിക്കും.മദ്യ നിര്മ്മാണത്തിനാവശ്യമായ സ്പിരിറ്റിന്റെ വില ലിറ്ററിന് മൂന്ന് മാസം മുമ്പ് 64 രൂപയായിരുന്നത് 74 രൂപയായി ഉയര്ന്നതാണ് ഇപ്പോഴത്തെ പ്രതിസന്ധിക്ക് കാരണം.
ജനപ്രിയ മദ്യങ്ങളുടെ ലഭ്യതക്കുറവ് പ്രതിസന്ധിയിലാക്കിയിട്ടുണ്ട്. ഡിസ്റ്റിലറികളിൽ നിർമാണം കുറഞ്ഞതാണ് കാരണം.750 രൂപവരെ വിലവരുന്ന മദ്യമാണ് കിട്ടാത്തത്.സ്പിരിറ്റിന്റെ വില കൂടിയതിനാൽ മദ്യവില കൂട്ടണമെന്ന് കമ്പനികൾ ആവശ്യപ്പെട്ടിട്ടുണ്ട്. ഇതിൽ നടപടി ഇല്ലാതെ വന്നതോടെ മദ്യ വിതരണം കമ്പനികള് കുറയ്ക്കുകയായിരുന്നു. പ്രതിമാസം 20 ലക്ഷം കേയ്സ് ഇന്ത്യന് നിര്മ്മിത വിദേശ മദ്യമാണ് സംസ്ഥാനത്ത് വില്ക്കുന്നത്.ശരാശരി ദിവസ ഉപഭോഗം 70000 കേയ്സാണ്.
ഉത്പാദന ചെലവിന് ആനുപാതികമായി മദ്യവില ഉയര്ത്തണമെന്ന ആവശ്യം അംഗീകരിക്കാന് സര്ക്കാര് തയ്യാറായിട്ടില്ല. പ്രശ്നം പരിഹരിക്കാന് ഉടന് നടപടിയുണ്ടാകുമെന്നാണ് എക്സൈസ് മന്ത്രിയുടെ വിശദീകരണം.
Comments