കൊച്ചി: യുവ നടിയുടെ പീഡന പരാതിക്ക് പിന്നാലെ ഫേസ്ബുക്ക് ലൈവിൽ ഇരയുടെ പേരും വെളിപ്പെടുത്തിയ നടനും നിർമാതാവുമായ വിജയ് ബാബു വിദേശത്തേക്ക് കടന്നുവെന്ന് പോലീസ് വ്യക്തമാക്കി. എറണാകുളം സൗത്ത് അസിസ്റ്റന്റ് കമ്മീഷണര് വൈ. നിസാമുദ്ദീന് ഇക്കാര്യം സ്ഥിരീകരിച്ചു. അറസ്റ്റ് ഉറപ്പാണെന്ന് ബോധ്യമായതോടെയാണ് ഇയാൾ വിദേശത്തേക്ക് കടന്നു കളഞ്ഞത്.
സിനിമയില് കൂടുതല് അവസരങ്ങള് വാഗ്ദാനം ചെയ്ത് പ്രലോഭിപ്പിച്ച് എറണാകുളത്തെ ഫ്ലാറ്റിൽ നിരവധി തവണ ബലാത്സംഗത്തിന് ഇരയാക്കിയെന്നാണ് കോഴിക്കോട് സ്വദേശിനിയായ നടി ഉയർത്തിയ പരാതി. ഏപ്രിൽ 22-നാണ് നടി പരാതി നൽകിയത്. പിന്നാലെ വിജയ് ബാബുവിനെതിരേ ബലാത്സംഗം, ഗുരുതരമായി പരിക്കേല്പ്പിക്കല് തുടങ്ങിയ വകുപ്പുകള് ചുമത്തി കേസ് എടുത്തിട്ടുണ്ട്.
Comments