ആലുവയിൽ കൊച്ചി മെട്രോയുടെ തൂണിൽ വിള്ളൽ; ബലക്ഷയമില്ലെന്ന് കെ.എം.ആർ.എൽ

KMRL on Crack Found in Kochi Metro Pillar
 


കൊച്ചി: ആലുവയിൽ കൊച്ചി മെട്രോയുടെ തൂണിൽ വിള്ളൽ. ആലുവ ബൈപാസിനോട് ചേർന്നുള്ള പില്ലർ നമ്പർ 44ൽ തൂണിൻ്റെ പ്ലാസ്റ്ററിലാണ് തറനിരപ്പിൽ നിന്ന് എട്ടടിയോളം ഉയരത്തിൽ വിള്ളൽ കണ്ടെത്തിയിരിക്കുന്നത്.

തൂ​ണി​ന് ബ​ല​ക്ഷ​യം സം​ഭ​വി​ച്ചി​ട്ടി​ല്ലെ​ന്ന് കെഎം​ആ​ർ​എ​ൽ അ​റി​യി​ച്ചു. പ്ലാ​സ്റ്റ​റിം​ഗി​ൽ ഉ​ണ്ടാ​യ വി​ട​വെ​ന്നാ​ണ് ഔദ്യോ​ഗി​ക വി​ശ​ദീ​ക​ര​ണം. വി​ശ​ദ​മാ​യ പ​രി​ശോ​ധ​ന ന​ട​ത്തി​യ​താ​യും കെഎം​ആ​ർ​എ​ൽ വ്യ​ക്ത​മാ​ക്കി.

വിള്ളൽ മുമ്പുതന്നെ ശ്രദ്ധയിൽപെട്ടിരുന്നെന്നും ഇത് പരിശോധിച്ച് തൂണിന് ബലക്ഷയമില്ലെന്ന് ഉറപ്പുവരുത്തിയിട്ടുണ്ടെന്നും കെ.എം.ആർ.എൽ. പബ്ലിക് റിലേഷൻസ് ഓഫീസർ  പറഞ്ഞു.

ഏതാനും മാസങ്ങളായി ചെറിയ തോതിൽ വിള്ളൽ കാണുന്നുണ്ടെന്നും ക്രമേണ വിടവ് വർധിച്ച് വരുന്നതായും സമീപവാസികൾ പരാതിപ്പെട്ടിരുന്നു.