കേരളത്തിന്റെ മൂന്നു റെയില്‍പാത നിര്‍ദേശങ്ങളും തള്ളി കര്‍ണാടക

cm
 

 കേരളം മുന്നോട്ടുവെച്ച മൂന്നു റെയില്‍പാത നിര്‍ദേശങ്ങളും തള്ളി കര്‍ണാടക. മുഖ്യമന്ത്രി പിണറായി വിജയന്‍ ഇന്നലെ കര്‍ണാടക മുഖ്യമന്ത്രി ബസവരാജ ബൊമ്മെയുമായി നടത്തിയ കൂടിക്കാഴ്ചയിലാണ് ഈ നിര്‍ദേശങ്ങള്‍ മുന്നോട്ടുവെച്ചത്. എന്നാൽ പദ്ധതികള്‍ നടപ്പാക്കാനാവില്ലെന്ന് കര്‍ണാടക മുഖ്യമന്ത്രി ബൊമ്മെ അറിയിച്ചു. 

തലശ്ശേരി-മൈസൂരു, നിലമ്പൂര്‍- നഞ്ചന്‍കോട്, കാഞ്ഞങ്ങാട്- കാണിയൂര്‍ റെയില്‍പ്പാത പദ്ധതികള്‍ നടപ്പാക്കുന്നത്തിന്റെ ഭാഗമായിട്ടാണ് കേരളം കര്‍ണാടകയുടെ സഹകരണം തേടിയത്. പരിസ്ഥിതി ലോല പ്രദേശങ്ങളിലൂടെയും വന്യജീവി സങ്കേതങ്ങളിലൂടെയും കടന്നുപോകുന്ന ഈ പാതകള്‍ കര്‍ണാടക നേരത്തെ തള്ളിയതാണെന്നും അംഗീകരിക്കാനാകില്ലെന്ന് വീണ്ടും ബൊമ്മെ അറിയിച്ചു. 

അതേസമയം കാഞ്ഞങ്ങാട്- പാണത്തൂര്‍-കാണിയൂര്‍ റെയില്‍വേ ലൈന്‍ പദ്ധതി കര്‍ണാടക സര്‍ക്കാര്‍ പരിശോധിക്കുമെന്നും ഇതിനാവശ്യമായ സാമ്പത്തിക സഹായം നല്‍കുന്ന കാര്യം പരിഗണിക്കുമെന്നും കര്‍ണാടക മുഖ്യമന്ത്രി ബൊമ്മെ അറിയിച്ചുവെന്നാണ് കേരള സര്‍ക്കാര്‍ വ്യക്തമാക്കുന്നത്.