കോഴിക്കോട്: നാദാപുരത്ത് തെരുവുനായയുടെ ആക്രമണത്തിൽ രണ്ട് കുട്ടികളടക്കം മൂന്ന് പേര്ക്ക് പരിക്ക്. നാലും ആറും വയസുള്ള കുട്ടികള്ക്കും വീട്ടമ്മയ്ക്കുമാണ് കടിയേറ്റത്.
ഇന്ന് ഉച്ചയ്ക്കായിരുന്നു സംഭവം. വീടിനുള്ളിൽ കളിക്കുകയായിരുന്ന പുറമേരി പടിഞ്ഞാറെ മുതുവാട്ട് രാജേഷിന്റെ മകൻ നെഹൻ കൃഷ്ണൻ, വെള്ളൂർ സ്വദേശി രഞ്ജിത്തിന്റെ മകൻ ആരോൺ ദേവ്, അടുക്കളയിൽ ജോലി ചെയ്യുകയായിരുന്ന പുറമേരി സ്വദേശി കമല എന്നിവരെയാണ് നായ ആക്രമിച്ചത്.
കൈക്കും കാലിനുമായാണ് മൂന്ന് പേർക്കും കടിയേറ്റത്. പരിക്കേറ്റ കുട്ടികൾ കോഴിക്കോട് മെഡിക്കൽ കോളജിലും കമല വടകര താലൂക്ക് ആശുപത്രിയിലും ചികിത്സയിലാണ്.