തിരുവനന്തപുരം: മങ്കിപോക്സിന്റെ കാര്യത്തിൽ സംസ്ഥാനത്ത് ആശങ്കപ്പെടേണ്ട സാഹചര്യമില്ലെന്ന് മുഖ്യമന്ത്രി പിണറായി വിജയൻ. എന്നാല് സുരക്ഷാ നിര്ദ്ദേശങ്ങള് കൃത്യമായി പാലിക്കുന്ന നിലയുണ്ടാകണമെന്നും മുഖ്യമന്ത്രി നിർദേശിച്ചു.
രോഗ ലക്ഷണങ്ങളുള്ളവർ മറച്ചുവയ്ക്കരുത്. ഇക്കാര്യം ആരോഗ്യ പ്രവർത്തകരെ അറിയിക്കണമെന്നും മുഖ്യമന്ത്രി ആവശ്യപ്പെട്ടു. എല്ലാ ജില്ലകളിലും ഐസൊലേഷന് സൗകര്യം ലഭ്യമാണ്. ചികിത്സാ സൗകര്യങ്ങളും ഒരുക്കിയിട്ടുണ്ട്. മങ്കിപോക്സ് പരിശോധന സംസ്ഥാനത്ത് തന്നെ ആരംഭിച്ചിട്ടുണ്ട്.
ലോകാരോഗ്യ സംഘടനയുടേയും കേന്ദ്ര ആരോഗ്യ മന്ത്രാലയത്തിന്റേയും സംസ്ഥാന ആരോഗ്യ വകുപ്പിന്റെയും എസ്ഒപിയുടേയും അടിസ്ഥാനത്തില് രോഗ ലക്ഷണങ്ങള് ഉണ്ടോയെന്ന് പരിശോധിക്കുകയാണ് പ്രധാനം. 21 ദിവസമാണ് ഇന്ക്യുബേഷന് പീരീഡ്.
കഴിഞ്ഞ ദിവസം തൃശൂരില് മരിച്ച യുവാവിന് മങ്കിപോക്സാണെന്ന് സ്ഥിരീകരിച്ചിട്ടുണ്ട്. പൂനെ വൈറോളജി ലാബില് നിന്നുള്ള പരിശോധനയിലാണ് മങ്കിപോക്സ് സ്ഥിരീകരിച്ചത്. മങ്കിപോക്സ് പോസിറ്റീവാണെന്ന് ജൂലൈ 19ന് ദുബായില് നടത്തിയ പരിശോധന ഫലം 30നാണ് ബന്ധുക്കള് ആശുപത്രിയെ അറിയിച്ചത്.
തുടര്ന്ന് ആരോഗ്യ വകുപ്പിന്റെ സംഘം ആശുപത്രിയിലെത്തിയിരുന്നു. ആ സമയം യുവാവ് ഗുരുതരാവസ്ഥയിലായിരുന്നു. ഇയാളുടെ ഹൈറിസ്ക് പ്രാഥമിക സന്പർപ്പട്ടികയിൽ 20 പേരാണ് ഉള്ളത്. വീട്ടുകാര്, സഹായി, നാല് സുഹൃത്തുക്കള്, ഫുട്ബോള് കളിച്ച ഒൻപത് പേര് എന്നിവരാണ് ഈ സമ്പര്ക്കപ്പട്ടികയിലുള്ളത്. വിമാനത്തില് 165 പേരാണുണ്ടായിരുന്നത്. അതിലുള്ളവരാരും അടുത്ത സമ്പര്ക്ക പട്ടികയില് ഉള്പ്പെടുന്നില്ലെന്നും മുഖ്യമന്ത്രി പറഞ്ഞു.
എല്ലാ എയര്പോര്ട്ടുകളിലും ഹെല്പ് ഡെസ്ക് സ്ഥാപിച്ചിട്ടുണ്ട്. ആരോഗ്യ വകുപ്പ് എസ്.ഒ.പി. രൂപീകരിച്ച് നേരത്തെതന്നെ പ്രതിരോധ പ്രവര്ത്തനങ്ങള് നടത്തിയിട്ടുണ്ട്. ആരും രോഗലക്ഷണങ്ങളുണ്ടെങ്കില് മറച്ച് വയ്ക്കരുത്. ആരോഗ്യ പ്രവര്ത്തകരെ വിവരം അറിയിക്കണം. എല്ലാ ജില്ലകളിലും ഐസൊലേഷന് സൗകര്യം ലഭ്യമാണ്. ചികിത്സാ സൗകര്യങ്ങളും ഒരുക്കിയിട്ടുണ്ട്.
Comments