കേരളപ്പിറവി ദിനത്തിൽ സംസ്ഥാന സർക്കാരിന്റെ നേതൃത്വത്തിൽ ലഹരി വിരുദ്ധ ശൃംഖല നടക്കും. വൈകിട്ട് മൂന്ന് മണിക്ക് സംസ്ഥാനത്തെ വാർഡുകളിലെ വിദ്യാലയങ്ങൾ കേന്ദ്രീകരിച്ചാണ് ശൃംഖല തീർക്കുന്നത് എന്ന് മുഖ്യമന്ത്രി ഫേസ്ബുക്കിൽ കുറിച്ചു.
മുഖ്യമന്ത്രിയുടെ ഫേസ്ബുക് പോസ്റ്റ്
മയക്കുമരുന്നിനെതിരെ കേരളമെങ്ങും ജനകീയ ജാഗ്രതയുയരുകയാണ്. സംസ്ഥാന സർക്കാരിന്റെ നേതൃത്വത്തിൽ ലഹരി വിരുദ്ധ ശൃംഖല കേരളപ്പിറവി ദിനത്തിൽ നടക്കും. വൈകിട്ട് മൂന്ന് മണിക്ക് സംസ്ഥാനത്തെ വാർഡുകളിലെ വിദ്യാലയങ്ങൾ കേന്ദ്രീകരിച്ചാണ് ശൃംഖല തീർക്കുന്നത്. വിദ്യാലയങ്ങളില്ലാത്ത വാർഡുകളിൽ പ്രധാന കേന്ദ്രങ്ങളിൽ ശൃംഖല ഒരുക്കും. വിദ്യാർത്ഥികൾ, രക്ഷിതാക്കൾ അധ്യാപകർ, ജീവനക്കാർ, വ്യാപാരികൾ, കുടുംബശ്രീ പ്രവർത്തകർ, ജനപ്രതിനിധികൾ, നാട്ടുകാർ തുടങ്ങി നാടിന്റെ സമസ്ത മേഖലയിൽ നിന്നും ആളുകൾ ശൃംഖലയിൽ കണ്ണിചേരും.യുവതലമുറയെ ലഹരിയുടെ വിപത്തിൽ നിന്നും രക്ഷിക്കാനും ലഹരിമുക്ത നവകേരളം പടുത്തുയർത്താനുമാണ് സർക്കാർ ശ്രമിക്കുന്നത്. “ജീവിതമാണ് ലഹരി” എന്ന ആശയം ഉയർത്തിപ്പിടിച്ചുകൊണ്ട് മയക്കുമരുന്നിനെതിരെയുള്ള ജനമുന്നേറ്റത്തിനാണ് കേരളം നവംബർ ഒന്നിന് സാക്ഷ്യം വഹിക്കുക. മയക്കുമരുന്നിനെതിരെയുള്ള കേരളത്തിന്റെ ജനകീയ പോരാട്ടത്തിൽ പങ്കാളികളാകാൻ എല്ലാവരേയും ക്ഷണിക്കുന്നു.
https://www.facebook.com/plugins/post.php?href=https%3A%2F%2Fwww.facebook.com%2FPinarayiVijayan%2Fposts%2F654515972688896&show_text=true&width=500
Comments