ബഫർ സോണിൽ നിന്ന് ജനവാസമേഖലകളെ ഒഴിവാക്കാൻ സര്‍ക്കാര്‍ തീരുമാനം

buffer zone
 

തിരുവനന്തപുരം: ബഫർസോണിൽ നിന്ന് ജനവാസ മേഖലകളെ ഒഴിവാക്കാൻ സര്‍ക്കാര്‍ തീരുമാനം. തട്ടേക്കാട് പക്ഷി സങ്കേതം, പമ്പാവാലി, എയ്ഞ്ചൽ വാലി മേഖലകളെയാണ് ഒഴിവാക്കിയത്. മുഖ്യമന്ത്രിയുടെ അധ്യക്ഷതയിൽ ചേർന്ന സംസ്ഥാന വന്യജീവി ബോർഡ് യോഗത്തിലാണ് തീരുമാനം. 

തട്ടേക്കാട് പക്ഷി സങ്കേതത്തിനകത്തെ ജനവാസ മേഖലകളെ പക്ഷി സങ്കേതങ്ങളിൽ നിന്ന് ഒഴിവാക്കാനായി കേന്ദ്ര വന്യജീവി ബോർഡിനെ സമീപിക്കാനാണ് സംസ്ഥാന സർക്കാർ തീരുമാനം.

പെ​രി​യാ​ര്‍ ടൈ​ഗ​ര്‍ റി​സ​ര്‍​വി​ലെ പ​മ്പാ​വാ​ലി, ഏ​ഞ്ച​ല്‍​വാ​ലി പ്ര​ദേ​ശ​ങ്ങ​ളെ പെ​രി​യാ​ര്‍ ടൈ​ഗ​ര്‍ റി​സ​ര്‍​വി​ന്‍റെ പ​രി​ധി​യി​ല്‍ നി​ന്നും ഒ​ഴി​വാ​ക്കാ​നു​ള്ള ന​ട​പ​ടി​ക​ള്‍ സ്വീ​ക​രി​ക്കാ​നും യോ​ഗം തീ​രു​മാ​നി​ച്ചു.

 പെരിയാർ ടൈഗർ റിസർവ് 1978 ലും തട്ടേക്കാട് പക്ഷി സങ്കേതം 1983 ലുമാണ് രൂപീകൃതമായത്. വന്യജീവി മേഖലകളായി തന്നെയാണ് ഇവ രണ്ടും പരിഗണിച്ചിരുന്നത്. ഇപ്പോഴാണ് ഈ വന്യജീവി മേഖലയിൽ ഉൾപ്പെടുന്ന ജനവാസ മേഖലകളെ ആ പരിധിയിൽ നിന്ന് ഒഴിവാക്കാൻ സംസ്ഥാന സർക്കാർ ഒരുങ്ങുന്നത്.

 യോഗത്തില്‍ ബോര്‍ഡ് വൈസ് ചെയര്‍പേഴ്‌സണ്‍ വനം-വന്യജീവി വകുപ്പുമന്ത്രി എ.കെ. ശശീന്ദ്രന്‍, പൂഞ്ഞാര്‍ എം.എല്‍.എ അഡ്വ. സെബാസ്റ്റ്യന്‍ കുളത്തുങ്കല്‍, വനം വകുപ്പ് മേധാവി ബെന്നിച്ചന്‍ തോമസ്, ചീഫ് വൈല്‍ഡ് ലൈഫ് വാര്‍ഡന്‍ ഗംഗാസിംഗ് തുടങ്ങി ബോര്‍ഡ് അംഗങ്ങള്‍ യോഗത്തില്‍ പങ്കെടുത്തു.