സോ​ളാ​ർ പീ​ഡ​ന​ക്കേ​സ്: സർക്കാരിനോട് ഒരു കാര്യത്തിൽ മാത്രം പരിഭവമെന്ന് ഉമ്മൻചാണ്ടി

 

തിരുവനന്തപുരം: സോളാർ പീഡനക്കേസിൽ ഒരിക്കലും ഉത്കണ്ഠ ഉണ്ടായിരുന്നില്ലെന്ന് ഉമ്മൻചാണ്ടി. സത്യം വിട്ടൊരു തീരുമാനം ഉണ്ടാവില്ലെന്ന് വിശ്വാസമുണ്ടായിരുന്നു. ഒരു കാര്യത്തിൽ മാത്രമാണ് സർക്കാരിനോട് പരിഭവം. അത് പരാതിക്കാരിയുടെ വാക്കുകേട്ട് സി.ബി.ഐ അന്വേഷണത്തിന് പോയതിൽ മാത്രമാണെന്നും ഉമ്മൻചാണ്ടി പറഞ്ഞു. തി​രു​വ​ന​ന്ത​പു​രം ജ​ഗ​തി​യി​ലെ വീ​ട്ടി​ൽ തി​രി​ച്ചെ​ത്തി​യ ശേ​ഷം മാ​ധ്യ​മ​ങ്ങ​ളോ​ട് സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം.

കേ​ര​ള​ത്തി​ലെ ര​ണ്ട് അ​ന്വേ​ഷ​ണം ക​ഴി​ഞ്ഞ് പി​ന്നെ സി​ബി​ഐ​ക്ക് വി​ട്ട​പ്പോ​ൾ ഏ​റ്റ​വും കു​റ​ഞ്ഞ​ത് നേ​ര​ത്തെ അ​ന്വേ​ഷ​ണം ന​ട​ത്തി​യ​വ​രു​ടെ ശി​പാ​ർ​ശ​യോ​ടെ ആ ​ന​ട​പ​ടി ചെ​യ്യു​ന്ന​താ​യി​രു​ന്നു ന​ല്ല​ത്. അ​തി​ന് പ​ക​രം പ​രാ​തി​ക്കാ​രി​യോ​ട് എ​ഴു​തി​വാ​ങ്ങി​യ ശേ​ഷ​മാ​ണ് സി​ബി​ഐ അ​ന്വേ​ഷ​ണ​ത്തി​ന് പോ​യ​ത്. തെ​ളി​വി​ല്ലാ​തെ അ​ന്വേ​ഷ​ണം ന​ട​ത്തി​യാ​ൽ നീ​തി ബോ​ധ​മു​ള്ള ജ​ന​ങ്ങ​ൾ ചി​ന്തി​ക്കു​മെ​ന്നും അ​ദ്ദേ​ഹം പ​റ​ഞ്ഞു.

രാ​ഷ്ട്രീ​യ​ത്തി​ല്‍ സ​ജീ​വ​മാ​യു​ണ്ടാ​കും. സ്ഥാ​ന​ങ്ങ​ള്‍ ഏ​റ്റെ​ടു​ക്കി​ല്ലെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.
 
  
ഒന്നര മാസത്തെ ചികിത്സയ്ക്ക് ശേഷമാണ് മുൻ മുഖ്യമന്ത്രി കേരളത്തിലേക്ക് തിരിച്ചെത്തിയത്. സോളാർ പീഡനകേസിൽ ഉമ്മൻ ചാണ്ടിക്ക് സി.ബി.ഐ ക്ലീൻചിറ്റ് നൽകിയിരുന്നു. അതിനു ശേഷം ആദ്യമായാണ് അദ്ദേഹം മാധ്യമങ്ങളോട് പ്രതികരിക്കുന്നത്.