ആലപ്പുഴ: കടുത്ത പ്രതിഷേധങ്ങള്ക്കിടെ ശ്രീറാം വെങ്കിട്ടരാമനെ ആലപ്പുഴ ജില്ലാ കളക്ടര് സ്ഥാനത്ത് നിന്ന് മാറ്റി. സപ്ലൈകോയില് ജനറല് മാനേജറായാണ് ശ്രീറാമിന്റെ പുതിയ നിയമനം.
ശ്രീറാമിന് പകരം പട്ടികജാതി വികസനവകുപ്പ് ഡയറക്ടര് വി.ആര്.കൃഷ്ണ തേജയെ ആലപ്പുഴ കളക്ടറായി നിയമിച്ചിട്ടുണ്ട്. പ്രളയകാലത്ത് ആലപ്പുഴ സബ് കളക്ടറായി പ്രവര്ത്തിച്ചിരുന്ന ആളാണ് കൃഷ്ണ തേജ് ഐഎഎസ്.
ശ്രീറാമിൻ്റെ ഭാര്യയായ രേണുരാജ് കഴിഞ്ഞ ദിവസമാണ് എറണാകുളം ജില്ലാ കളക്ടറായി ചുമതലയേറ്റത്.
ശ്രീറാം വെങ്കിട്ടരാമനെ ആലപ്പുഴ കളക്ടറായി നിയമിച്ച സര്ക്കാര് നടപടിയില് വ്യാപക പ്രതിഷേധം ഉയര്ന്നിരുന്നു. മാധ്യമപ്രവര്ത്തകനായ കെ.എം. ബഷീറിനെ കാറിടിപ്പിച്ചു കൊലപ്പെടുത്തിയ കേസില് വിചാരണനേരിടുന്നയാളെ കളക്ടറാക്കിയതിലൂടെ നിയമലംഘകര്ക്ക് ഓശാന പാടുകയാണെന്നായിരുന്നു ആരോപണം.
Comments