വിസിമാരുടെ ഹര്ജികളില് ഉത്തരവ് വരും വരെ ഗവര്ണര് അന്തിമ തീരുമാനമെടുക്കരുതെന്ന് ഹൈക്കോടതി.ഈ ഉത്തരവിൽ വൈസ് ചാന്സലര്മാരെ പുറത്താക്കാനുള്ള ഗവര്ണറുടെ നീക്കം വൈകും. ഗവര്ണര് നല്കിയ കാരണം കാണിക്കല് നോട്ടീസ് ചോദ്യം ചെയ്ത് വിസിമാര് നല്കിയ ഹര്ജിയിലാണ് കോടതിയുടെ ഇടക്കാല ഉത്തരവ്. പത്ത് സര്വകലാശാല വൈസ് ചാന്സലര്മാര് നല്കിയ ഹര്ജിയാണ് ഹൈക്കോടതി ഇന്ന് പരിഗണിച്ചത്. എല്ലാ വിസിമാരും മറുപടി നല്കിയെന്ന് ഗവര്ണറുടെ അഭിഭാഷകന് കോടതിയെ അറിയിച്ചു. മറുപടി സത്യവാങ്മൂലം നല്കാന് മൂന്നു ദിവസത്തെ സമയം കൂടി വേണമെന്നും ഗവര്ണര് ആവശ്യപ്പെട്ടു. ഗവര്ണറുടെ മുന്നില് പേഴ്സണല് ഹിയറിങ്ങിന് പോകണോ, വേണ്ടയോ എന്ന് വിസിമാര്ക്ക് തീരുമാനിക്കാമെന്നും ഹൈക്കോടതി വ്യക്തമാക്കി. കേസ് ബുധനാഴ്ച വീണ്ടും പരിഗണിക്കും.
വൈസ് ചാന്സലര് സ്ഥാനത്തുനിന്ന് പുറത്താക്കാതിരിക്കാന് എന്തെങ്കിലും കാരണമുണ്ടെങ്കില് അറിയിക്കണമെന്നാണ് ഗവര്ണര് നിര്ദേശിച്ചിരുന്നത്. എന്നാല് യുജിസി നിയമങ്ങളും സര്വകലാശാല ചട്ടങ്ങളും പാലിച്ച് നടത്തിയ തങ്ങളുടെ നിയമനം റദ്ദാക്കാന് ഗവര്ണര്ക്ക് അവകാശമില്ലെന്നാണ് വിസിമാരുടെ വാദം.
Comments