മലയാളി ഡോക്ടറെ ജോലി വാഗ്ദാനം ചെയ്ത് പീഡിപ്പിച്ചു; തൃശൂര്‍ സ്വദേശി പിടിയില്‍
കോഴിക്കോട്: ജോലി വാഗ്ദാനം നല്‍കി മലയാളി ഡോക്ടറെ പീഡിപ്പിച്ച സംഭവത്തില്‍ തൃശൂര്‍ സ്വദേശി പിടിയില്‍. നഴ്‌സായ നിഷാം ബാബുവിനെ കോഴിക്കോട്ടുനിന്നാണ് പൊലീസ് കസ്റ്റഡിയിലെടുത്തത്.
മൈസൂരുവിലെ സ്വകാര്യ ആശുപത്രിയില്‍ ഡോക്ടറായ ജോലി ചെയ്തിരുന്ന യുവതിയാണ് പൊലീസില്‍ പരാതി നല്‍കിയത്. ഇതേ ആശുപത്രിയില്‍ നഴ്സായി ജോലി ചെയ്യുകയായിരുന്നു നിഷാം ബാബു. കോയമ്പത്തൂരിലെ സ്വകാര്യ ആശുപത്രിയില്‍ മെച്ചപ്പെട്ട ജോലി വാങ്ങിതരാമെന്ന് പറഞ്ഞ് യുവതിയെ കോയമ്പത്തൂരിലേക്കു കൊണ്ടുപോകാനായിരുന്നു ശ്രമം. ഇതിനായി കോഴിക്കോട്ട് എത്തിച്ച് സ്വകാര്യ ഹോട്ടലില്‍ മുറിയെടുത്ത് പീഡിപ്പിക്കുകയായിരുന്നു.
തുടര്‍ന്ന് യുവതിയുടെ നഗ്നദൃശ്യങ്ങള്‍ പകര്‍ത്തി പുറത്തുവിടുമെന്ന് ഭീഷണിപ്പെടുത്തി പല ഹോട്ടലുകളിലും കൊണ്ടുപോയി പീഡനത്തിനിരയാക്കിയെന്നും പരാതിയില്‍ പറയുന്നു. ഇതേ തുടര്‍ന്ന് യുവതി ഇയാളുടെ ഫോണ്‍നമ്ബര്‍ ബ്ലോക്ക് ചെയ്തു. എന്നാല്‍ പ്രതികാരമായി പെണ്‍കുട്ടിയുടെ നഗ്നചിത്രങ്ങള്‍ പ്രതിയായ നിഷാം ബാബു സാമൂഹിക മാധ്യമങ്ങളില്‍ പോസ്റ്റ് ചെയ്തതോടെയാണ് യുവതി കോഴിക്കോട് കസബ പൊലീസില്‍ പരാതി നല്‍കിയത്.
