അടുക്കള തോട്ടത്തില്‍ കഞ്ചാവ് ചെടികള്‍; പ്രതി ഓടി രക്ഷപ്പെട്ടു
Sun, 19 Mar 2023
കണ്ണൂര്‍ : വീടിനോട് ചേര്‍ന്നുള്ള അടുക്കള തോട്ടത്തില്‍ വളര്‍ത്തിയ കഞ്ചാവ് ചെടികള്‍ എക്സൈസ് സംഘം കണ്ടെത്തി നശിപ്പിച്ചു. 84, 65, 51 സെന്റീമീറ്ററുകള്‍ വീതം നീളമുള്ള മൂന്ന് കഞ്ചാവ് ചെടികളാണ് നശിപ്പിച്ചത്. പരിശോധനയ്ക്കിടെ പ്രതിയായ പിവി സിജിഷ് ഓടി രക്ഷപ്പെട്ടു.
കൂത്തുപറമ്പ് എക്സൈസ് സര്‍ക്കിള്‍ ഇന്‍സ്പെക്ടറുടെ ചുമതല വഹിക്കുന്ന പിണറായി റേഞ്ച് എക്സൈസ് ഇന്‍സ്പെക്ടര്‍ സുബിന്‍ രാജിനും സംഘത്തിനും ലഭിച്ച രഹസ്യ വിവരത്തിന്റെ അടിസ്ഥനത്തില്‍ നടത്തിയ പരിശോധനയിലാണ് കൈതേരി കപ്പണ ഭാഗത്ത് കഞ്ചാവ് ചെടികള്‍ കണ്ടെത്തിയത്.
