ക​ണ്ണൂ​ര്‍ വി​മാ​ന​ത്താ​വ​ളം വ​ഴി​യു​ള്ള ദേ​ശീ​യ പാ​ത​യ്ക്ക് കേ​ന്ദ്രാ​നു​മ​തി

road

ന്യൂ​ഡ​ല്‍​ഹി: ക​ണ്ണൂ​ര്‍ വി​മാ​ന​ത്താ​വ​ള വ​ഴി​യു​ള്ള ദേ​ശീ​യ പാ​ത​യ്ക്ക് കേ​ന്ദ്രാ​നു​മ​തി. ഇ​ന്ന് കേ​ന്ദ്ര ഗ​താ​ഗ​ത​മ​ന്ത്രി നി​തി​ന്‍ ഗ​ഡ്ക​രി​യു​മാ​യി മു​ഖ്യ​മ​ന്ത്രി പി​ണ​റാ​യി വി​ജ​യ​ന്‍ ന​ട​ത്തി​യ കൂ​ടി​ക്കാ​ഴ്ച​യി​ലാ​ണ് അ​നു​മ​തി ല​ഭി​ച്ച​ത്.

വി​മാ​ന​ത്താ​വ​ള​ത്തി​നോ​ട് ചേ​ര്‍​ന്ന് ചൊ​വ്വ മു​ത​ല്‍ മ​ട്ട​ന്നൂ​ര്‍ - കൂ​ട്ടും പു​ഴ - വ​ള​വു​പാ​റ - മാ​ക്കൂ​ട്ടം - വി​രാ​ജ്പേ​ട്ട- മ​ടി​ക്കേ​രി വ​ഴി മൈ​സൂ​ര്‍ വ​രെ​യു​ള്ള റോ​ഡി​ന്‍റെ കേ​ര​ള​ത്തി​ലു​ള്ള ഭാ​ഗം നാ​ഷ​ണ​ല്‍ ഹൈ​വേ​യാ​യി ഉ​യ​ര്‍​ത്ത​പ്പെ​ടു​ത്തു​ന്ന​ത്. അ​തി​നാ​വ​ശ്യ​മാ​യ ന​ട​പ​ടി​ക​ള്‍ ഉ​ട​ന​ടി കൈ​ക്കൊ​ള്ളു​മെ​ന്ന് ഗ​ഡ്ക​രി ഉ​റ​പ്പു ന​ല്‍​കി. 

തിരുവനന്തപുരം പാരിപ്പള്ളി മുതല്‍ വിഴിഞ്ഞം വരെയുള്ള 80 കി.മീ. റിംഗ് റോഡ് നിര്‍മ്മിക്കുന്നതിനും തത്വത്തില്‍ അംഗീകാരമായി. വിഴിഞ്ഞം തുറമുഖത്തിന്റെ വികസനവുമായി ബന്ധപ്പെട്ടുള്ള സാമ്ബത്തിക സാദ്ധ്യതകള്‍ കൂടി കണക്കിലെടുത്താവും പുതിയ പദ്ധതി വികസിപ്പിക്കുക. 4500 കോടി രൂപയാണ് പദ്ധതി തുക പ്രതീക്ഷിക്കുന്നത്. പുതിയ പദ്ധതി തിരുവനന്തപുരം നഗരത്തിന്റെ വളര്‍ച്ചയ്ക്ക് മുതല്‍ക്കൂട്ടായി മാറും. ഈ പദ്ധതി നാഷണല്‍ ഹൈവേ അതോറിറ്റി ഏറ്റെടുത്ത് ഫണ്ട് നല്‍കണമെന്നാണ് സംസ്ഥാനം ആവശ്യപ്പെട്ടത്. ഭൂമി ഏറ്റെടുക്കലിന്റെ 50% സംസ്ഥാന സര്‍ക്കാര്‍ വഹിക്കാമെന്നാണ് അറിയിച്ചിട്ടുള്ളത്.

കേരളത്തിലൂടെയുള്ള 11 റോഡുകള്‍ ഭാരത് മാലാ പ്രോജക്ടില്‍ ഉള്‍പ്പെടുത്താനും തീരുമാനമായി. ആലപ്പുഴ (എന്‍.എച്ച്‌ 47) മുതല്‍ ചങ്ങനാശ്ശേരി - വാഴൂര്‍ - പതിനാലാം മൈല്‍ (എന്‍.എച്ച്‌ 220) വരെ 50 കി.മീ, കായംകുളം (എന്‍.എച്ച്‌ 47) മുതല്‍ തിരുവല്ല ജംഗ്ഷന്‍ (എന്‍.എച്ച്‌ 183) 23 കി.മീ, വിജയപുരത്തിനടുത്തുള്ള ജംഗ്ഷന്‍ (എന്‍. എച്ച്‌ 183) മുതല്‍ ഊന്നുക്കലിനടുത്തുള്ള ജംഗ്ഷന്‍ വരെ (എന്‍. എച്ച്‌ 85 ) 45 കി.മീ, പുതിയ നാഷണല്‍ ഹൈവേയായ കല്‍പ്പറ്റയ്ക്കടുത്തുള്ള ജംഗഷന്‍ (എന്‍. എച്ച്‌ 766 ) മുതല്‍ മാനന്തവാടി വരെ 50 കി.മീ, എന്‍.എച്ച്‌ 183 അ യുടെ ദീര്‍ഘിപ്പിക്കല്‍ ടൈറ്റാനിയം, ചവറ വരെ (എന്‍.എച്ച്‌ 66 ) 17 കി.മീ, എന്‍. എച്ച്‌ 183 അ യെ പമ്ബയുമായി ബന്ധിപ്പിക്കുന്ന പുതിയ എന്‍.എച്ച്‌ ളാഹക്കടുത്തുള്ള ഇലവുങ്കലില്‍ 21.6 കി.മീ, തിരുവനന്തപുരം - തെന്‍മലയെ ബന്ധിപ്പിക്കുന്ന 72. കിമീ, ഹോസ്ദുര്‍ഗ് - പനത്തൂര്‍ - ഭാഗമണ്ഡലം - മടിക്കേരി (കേരളത്തിലൂടെ പോകുന്ന റോഡ്) 57 കി.മീ, ചേര്‍ക്കല - കല്ലിടുക്ക (കേരളത്തിലൂടെ പോകുന്ന റോഡ്) 28 കി.മീ, വടക്കാഞ്ചേരി - പൊള്ളാച്ചി ബന്ധിപ്പിക്കുന്ന റോഡ് , തിരുവനന്തപുരം ഇന്റര്‍നാഷണല്‍ സീ പോര്‍ട്ടിനെ ബന്ധിപ്പിക്കുന്ന വിഴിഞ്ഞം - കരമന - കളിയിക്കാവിള റോഡ് എന്നിവയാണ് ഭാരത് മാലാ പദ്ധതി രണ്ടാം ഘട്ടത്തില്‍ പെടുത്തി അപ്ഗ്രേഡ് ചെയ്യുന്നത്.