തിരുവനന്തപുരം: കേരളത്തിലെ ലോക്ക്ഡൗണ് നിയന്ത്രണങ്ങള് അശാസ്ത്രീയമെന്ന് ഐഎംഎ. നിയന്ത്രണങ്ങള് ആള്ക്കൂട്ടത്തിന് കാരണമാകുന്നുവെന്നും ഗുണത്തേക്കാളേറെ ദോഷം ചെയ്യുന്നുവെന്നും ഐഎംഎ കുറ്റപ്പെടുത്തുന്നു. സംസ്ഥാനത്ത് നിലവിലുള്ള കോവിഡ് പ്രതിരോധത്തില് പാളിച്ചകളുണ്ടെന്നും ആഴ്ചയില് എല്ലാ ദിവസവും വ്യാപാരസ്ഥാപനങ്ങള് തുറക്കണമെന്നാണ് ഐഎംഎ പറയുന്നത്. നിയന്ത്രണങ്ങളുടെ ഭാഗമായി ആഴ്ചയില് ചില ദിവസങ്ങളില് മാത്രം കടകളും മറ്റു സ്ഥാപനങ്ങളും തുറക്കുന്നത് ആള്ക്കൂട്ടത്തിനിടയാക്കുന്നു. കടകളില് എത്തുന്ന ആവശ്യക്കാരുടെ എണ്ണം ക്രമാതീതമായി വര്ദ്ധിക്കുകയും ചെയ്യുന്നുവെന്ന് ഐഎംഎ ചൂണ്ടിക്കാട്ടുന്നു. ഇതെല്ലാം രോഗവ്യാപനം കൂട്ടുന്നതിന് ഇടയാക്കുന്നു.
നിലവിലെ സമയ ക്രമീകരണവും അശാസ്ത്രീയമാണ്, വ്യാപാരസ്ഥാപനങ്ങള് കൂടുതല് സമയം തുറന്നുവച്ച് തിരക്ക് ഒഴിവാക്കുന്നതിനാണ് ശ്രദ്ധിക്കേണ്ടതെന്നാണ് നിര്ദ്ദേശം. അതേസമയം, ലോക്ക് ഡൗണ് നിയന്ത്രണങ്ങള് ശാസ്ത്രീയമായി പുനരാവിഷ്കരിക്കണമെന്നും ശക്തമായ ബോധവല്ക്കരണത്തിലൂടെ കോവിഡ് മാനദണ്ഡങ്ങള് പാലിക്കാന് ജനങ്ങളെ സജ്ജരാക്കേണ്ട ചുമതല സര്ക്കാരും പൊതുസമൂഹവും ഏറ്റെടുത്തേ മതിയാകൂ. ദീര്ഘകാലാടിസ്ഥാനത്തിലുള്ള പ്ലാനിങ്ങും നിയന്ത്രണങ്ങളും ആണ് ഇനി വേണ്ടത്. കൊവിഡ് മഹാമാരി അടുത്ത ഒന്നോ രണ്ടോ വര്ഷം കൂടെ തുടര്ന്നു പോകും, അതുകൊണ്ടുതന്നെ ഈ സാഹചര്യത്തെ മറികടക്കുന്നതിനുള്ള മാര്ഗ്ഗങ്ങള് ദീര്ഘകാലാടിസ്ഥാനത്തില് തന്നെ വേണം. ഐഎംഎ വ്യക്തമാക്കി.
കൂടാതെ കോവിഡ് ടെസ്റ്റിംഗിലും മാറ്റം വേണമെന്നാണ് ഐഎംഎ ആവശ്യപ്പെടുന്നത്. മ്മ്യൂണിറ്റി ടെസ്റ്റിംഗ് പോസിറ്റീവ് ആയ രോഗികളെ കണ്ടെത്തുന്നതിന് ഉതകുന്ന രീതിയില് അല്ലെന്നും കോണ്ടാക്ട് ട്രേസിംഗ് ടെസ്റ്റിംഗ് ആണ് ആവശ്യമായിട്ടുള്ളതെന്നുമാണ് ഐഎംഎ നിര്ദ്ദേശം.
ഹോം ഐസലേഷന് പരാജയമാണെന്നും വീടുകള് ക്ലസ്റ്ററുകള് ആകുന്ന സാഹചര്യമാണ് നിലവിലുള്ളതെന്നും ഐഎംഎ ചൂണ്ടിക്കാട്ടുന്നു.