കൊച്ചി: മുസ്ലിംലീഗ് നേതാവ് പി.കെ.കുഞ്ഞാലിക്കുട്ടിക്കെതിരെ തെളിവുകളുമായി കെ.ടി.ജലീല് എന്ഫോഴ്സ്മെന്റ് ഡയറക്ടറേറ്റ് ഓഫീസിലെത്തി.ഇന്ന് രാവിലെ 10.45 ഓടെയാണ് എംഎല്എ ബോര്ഡ് വെച്ച കാറില് കൊച്ചിയിലെ ഇ.ഡി.ഓഫീസിലെത്തിയത്. മലപ്പുറം എആർ നഗർ സഹകരണബാങ്കിൽ കുഞ്ഞാലിക്കുട്ടിക്ക് 300 കോടിയുടെ കള്ളപ്പണ നിക്ഷേപമുണ്ടെന്ന ആരോപണത്തിൽ തെളിവ് നൽകാനാണ് ജലീൽ എത്തിയതെന്നാണ് സൂചന.
എ ആര് നഗര് സഹകരണ ബാങ്കിനെ മറയാക്കി കള്ളപ്പണം വെളുപ്പിക്കലാണ് കുഞ്ഞാലിക്കുട്ടി നടത്തുന്നതെന്ന് കെ ടി ജലീല് ആരോപിച്ചിരുന്നു. എ ആര് നഗര് സഹകരണ ബാങ്കില് കുഞ്ഞാലിക്കുട്ടിക്ക് 300 കോടി കള്ളപ്പണം ഉണ്ട്. ബാങ്ക് സെക്രട്ടറി ഹരികുമാര് കുഞ്ഞാലിക്കുട്ടിയുടെ സഹായിയാണെന്നും ജലീല് മുന്പ് ആരോപണം ഉയര്ത്തിയിരുന്നു.ഇതിന്റെ അടിസ്ഥാനത്തില് മൊഴിയെടുക്കാന് ജലീലിനെ ഇ ഡി വിളിപ്പിക്കുകയായിരുന്നുവെന്നാണ് അറിയുന്നത്.
Comments