കളമശ്ശേരി ബസ് കത്തിക്കല്‍ കേസ്: അ​ഞ്ചാം പ്ര​തി​ക്ക് ആ​റു​വ​ര്‍​ഷം ക​ഠി​ന​ത​ട​വും 1.6 ല​ക്ഷം പി​ഴ​യും

bus

കൊച്ചി: കളമശ്ശേരി ബസ് കത്തിക്കല്‍ കേസില്‍ അഞ്ചാം പ്രതിയായ കെ.എ അനൂപിന് ആറ് വര്‍ഷം കഠിന തടവും 1,60,000 രൂപ പിഴയും വിധിച്ചു. കൊച്ചി എന്‍.ഐ.എ പ്രത്യേക കോടതിയാണ് ശിക്ഷ വിധിച്ചത്. കൊ​ച്ചി​യി​ലെ പ്ര​ത്യേ​ക എ​ന്‍​ഐ​എ കോ​ട​തി​യാ​ണ് ശി​ക്ഷി​ച്ച​ത്. പ്ര​തി​കു​റ്റം സ​മ്മ​തി​ച്ച​തി​നാ​ല്‍ വി​ചാ​ര​ണ ഒ​ഴി​വാ​ക്കി​യി​രു​ന്നു. ആ​കെ പ​തി​മൂ​ന്ന് പ്ര​തി​ക​ളാ​ണ് പ​ട്ടി​ക​യി​ലു​ള്ള​ത്.

കേസില്‍ തടിയന്‍റവിട നസീര്‍, സൂഫിയ മഅ്ദനി ഉള്‍പ്പെടെ 13 പ്രതികളുടെ വിചാരണ തുടരുകയാണ്.

2005 സെപ്തംബര്‍ 9നാണ് കേസിനാസ്പദമായ സംഭവം നടന്നത്. എറണാകുളത്ത് നിന്ന് സേലത്തേക്ക് പോവുകയായിരുന്ന തമിഴ്‌നാട് സര്‍ക്കാരിന്‍റെ ബസ് രാത്രിയോടെ പ്രതികള്‍ തട്ടിയെടുത്ത് കളമശേരി എച്ച്‌എംടി എസ്റ്റേറ്റിന് സമീപം ആളുകളെ ഇറക്കിയ ശേഷം അഗ്നിക്കിരയാക്കി എന്നാണ് കേസ്. 

നേരത്തെ സ്‌ഫോടനക്കേസില്‍ കോയമ്ബത്തൂര്‍ ജയിലില്‍ കഴിഞ്ഞിരുന്ന പി.ഡി.പി നേതാവ് അബ്ദുള്‍ നാസര്‍ മഅ്ദനിയുടെ മോചനം ആവശ്യപ്പെട്ടായിരുന്നു പ്രതികള്‍ ബസ് കത്തിച്ചത്.
പൊലീസ് രജിസ്റ്റര്‍ ചെയ്ത കേസ് 2009ല്‍ എന്‍.ഐ.എ ഏറ്റെടുക്കുകയായിരുന്നു. 2010ല്‍ കുറ്റപത്രം സമര്‍പ്പിച്ചു. ഒളിവിലായിരുന്ന അനൂപിനെ 2016ലാണ് എന്‍ഐഎ അറസ്റ്റ് ചെയ്യുന്നത്.