സംസ്ഥാനത്ത് കോവിഡ് വ്യാപനം രൂക്ഷമായി തുടരുന്നതിനിടെ, പ്ലസ് വണ് എഴുത്തു പരീക്ഷ റദ്ദാക്കണമെന്ന പൊതുതാത്പര്യഹര്ജി സുപ്രിംകോടതി ഇന്ന് പരിഗണിക്കും. തിരുവനന്തപുരം കീഴാറ്റിങ്ങല് സ്വദേശി റസൂല് ഷാന് സമര്പ്പിച്ച ഹര്ജിയാണ് കോടതി പരിഗണിക്കുന്നത്.
ഈമാസം ആറ് മുതല് പതിനാറ് വരെ പ്ലസ് വണ് പരീക്ഷ നടത്താനാണ് സര്ക്കാര് തീരുമാനം.വിദ്യാര്ത്ഥികള്ക്കും, രക്ഷിതാക്കള്ക്കും ഒരുപോലെ മാനസികമായി ബുദ്ധിമുട്ടുണ്ടാക്കുന്നതാണ് തീരുമാനമെന്ന് ഹർജിയിൽ ആരോപിക്കുന്നു.വാക്സിനെടുക്കാത്ത കുട്ടികളെ എഴുത്തുപരീക്ഷയ്ക്ക് നിര്ബന്ധിക്കുന്നത് അന്യായമായ നടപടിയാണ്. സിബിഎസ്ഇ മാതൃകയില് മൂല്യനിര്ണയം നടത്തി പരീക്ഷാഫലം പ്രഖ്യാപിക്കണമെന്നും ഹര്ജിയില് ആവശ്യപ്പെട്ടു. ജസ്റ്റിസ് എ.എം. ഖാന്വില്ക്കര് അധ്യക്ഷനായ ബെഞ്ചാണ് ഹര്ജി പരിഗണിക്കുന്നത്.
Comments